BUNG 5 NA.
MUANTEA KHIANGTE
Hmunzau khawram chin ah chuan pen lut in, tlailam eirawngbawl hun awm vel ah chuan tam ngaw chhah tak leh thing lianpui pui ding khup kara Khamsang mihrang val rual kal te chuan an thinlunga thinrimna in phumru kar chung chuan hmalam an pan pawk pawk hlawm a.
Chu tah! Paihte", beka samzial ho chuan Khamsang leh Hmunzau ram in ri na, Khamsang khaw ramchhungin a rin luh chin chiah chiah a Chi khur chu luhchilh in an mawng hang lang hun hun chung chuan an lo kun da da hlawm a, thawm lah an dim lo hle mai leh nghal a.
Thangzika chuan ngun taka thlir in a thinlung chhunga a thinrim rukna in phum so bulh bulh, irh chhuah chaka in leh thal zak zak ang mai hian a dang zo lo teuh thei khawp mai le. Piandenga chu chek tlak tlak a Thangzika en leh zauh ṭhin chuan a thinrim a ni tih hriat ngawih ngawih mai hian a banpuam te chu a rawn sek phiar ta fat mai le.
Midangho pawh chu an thinrim a ni tih hriat ngawih ngawih hian an hma lama Paiteho chu ṭawng zai pawh rello chuan an thlir ṭhap a. Thangzika chuan aw dam dap hian tuman buaina siam loh tur, ti hian kan lo nghak ang insum theihna hi in thinlungah khan tuh tlat ang che u. Tia Paihte pa an hruaitupa in a naute chi khur kotlang aṭang chuan lo thlir in Thangzika te lam chu a rawn melh leh zak zak ṭhin a.
Piandenga chuan U Zik, an hruaitupa saw mi namai a nih keizawng ka ring lo, ka hmachhawn chak hle mai a, tia a thinlunga hlauhna chhete mah pai miah lo chung chuan an melh ding ngar a. Thangzika chu nuih sak chung hian Piandeng, Teizang Pasalṭha Kamzarem a nih ngei saw, a ni saw zawng, i tan chuan a la sang deuh mah mah a ni, an tih chuan Thangzika chuan Piandenga mizia chu eng tak ni ang maw tia hriat a duh vang chuan a ni ai chuan an chung en nghal zat a, Kamzarem chu.
Piandenga chu ner sakin, in hmachhawn ni ta ila ka lu a lak hma hi chuan hliamna tawk ka lak aṭang hian a tuar ve hman tho ang an ti leh nang nang a. Thangzika chuan a nau chu a thinlunga ngaisang tih hriat zet hian Piandeng, nang zawng i ngaihtuahawm dawn lo ve, mahse nun hlut zia hi zir ngun fovang che an ti sap a.
Kamzarem chuan a nau te ho chu duhtawk tura an tih chuan Chi khur chhung aṭanga a naute ho pali chu lo tho chhuak sap sap in an iptepui puar luah chuan Chi chu an han ak hlawm a. Chutah, Thangzika te lam lo pan pheiin Thangzika te bul an han thlen chuan ngawi rengin mihrangval rual sawmte chu an han in dinchilh nghal rap a.
Kamzarem chuan Thangzika chu melh ding ran chung hian tunah rih chuan ni lo ve, hunremchang a la awm ang, tiin tham loh hmel zet chuan an nuih a. Thangzika chuan a lu buk nghat pah hian nau te u kal ang u le tiin hnungtawlh chung chuan Kamzarem te ho chu Chikhur lam an pan san ta a.
Kamzaremte pawn an khua an han thlen chuan thinrim tak mai hian an Lalpa in lam a pan nghal a. Lalin an thlen chuan Lalpa chhanna pawh nghak lem lo chuan Kamzarem chuan Uk pi pah aw hi, Lusei mi ham tepen ei ing in mai lamah haksakna awng tum thei ding a hih manin( Lalpa, Lusei ho hi kan tan an hnawksakin nakina kan tana buaina thlen thei tu an ni thei a ni an ti tawng mai a.)
Kamzarem bawk chuan, Uk pi, a khua uh pen meiram suak sak nuam in Khamsang khaw suak sak nuamin( An vangkhua Khamsang khua saw meivapa chantir ka duh a ni) an ti leh khur khur a.
Lal Mungtingthang chuan a Pasalṭha chhuanvawr leh khual thang hat khawpa Ral lu pawh sawm chuang khai tawh chu melh vung vung pah hian chuti taka a pasalṭha thinrimna chhan chu eng ang fakauin nge a pasalṭha Kamzarema hian a thinlung chhunga a lo pai tih chu hriat chhuah tum tak mai hian Kamzarem chu an melh vawng vawng a.
Lengsir Paite Lal Mungtinthang chuan Kamzarem, nguntak in thil hi kan ngaihtuah a ngai fo ṭhin asin, mahse nang berin i tih te chuan Tagaupa, ka tlangval hat te samkham in, a khaw chhungmi khen peuh that ngai in ( Tlangaupa ka tlangval te ko khawm la, Khamsang khua chimih vek turin ka pasalṭha te ko khawm ang che) an ti a.
Thangzika leh a nauteho pawh chuan khaw chhumg lutin Lalin lam an han panding nghal a. Lalin an han thlen chuan Lalpa chuan hlim taka lo lawm in ka pasalṭhate chikhur lut a, thangta te u, in hlawhtling meuh maw? Buaina leh harsatna te in tawk em an tih chuan Thangzika chuan Lalpa, tawk em lo ve, a mah erawh chu, Hmunzau Lalpa sawn Teizang Paihte ho a lo thurualpui na kawngah sawn kan lu chungah meiling an chhek mek a ni, tiin an kaldan chanchin zawng zawg chu an sawi dap dap a.
Lalpa chuan Kamzarem leh a naute ho nen a buaina in pumpelh chu a lawm awm hle mai ka ti, a mah,erawh chu tia a vaibel dawn ṭhialri bap bap pah chuan a mitmeng danglam nghal zatin Hmunzau Lalpa chuan an kuang lo tur a nawr tir a nih chu, inremna thu kan thlunlai khan an ni Taizang Paihte ho kan sih tel awm ka hriat si loh, engpawh ni se, englai pawh a raldo thei tura kan in buatsaih a ngai zu nia, ni kal ta zana an tlangval pahnih chinchangte pawh kha an lo va ngaihven har rwng reng ve, nge an chhiah khua te hi an Leido ah min chhuah zawk tawh le an ti hu a.
Thangzika chuan Lalpa an chhiah khua kan nihna hi Hmunzau aṭang khan a tawp tawh tih chu an ni leh keini hriatnawn kher a ngai awm lo ve. Chikhur aṭang khan an ni chuan an leido kan nihna hi an ṭan nghal ang nga, keini i vangkhua leh tui te hian a rawl rala an rawn chet tir aṭang zan khan kan leido a ni thi hi kan pawng nghal asin an tih chuan Lalpa chuan ka pasalṭha nge nge, i thilr thuiin i ngaihtuah thui mang teh e, Thangzik ka vangkhua hi i vangkhua ve tho a nihna angin meivapa a chan ka phalloh ang bawk hian nangpawn i phal bik in ka ring lo, an ngam phawt chuan kan vangkhuaah hian an lu rawn rawlh lawr teh se tiin aw khur dar dar hian an sawi a.
Thangzika chuan Lalpa, la theihtawp ka chhuah ang nga, ka ding leh vei a ding tur hian ka naute hi an chungah i rinna i nghsh ngam ka duh a ni tiin a nauteho chu a dah chungnung zia an sawi chhuak zauh a.
Duhtawk ang
No comments:
Post a Comment