PÛMAH MI LU. BUNG 3- NA

PÛMAH MI LU

BUNG 3- NA.


Lal fanu," chin hriat loh a bo ta chu Lentlang khaw chheh vel khua fang chhuak tur chuan pheikhai an vawr a. Pherpui khaw dai an han thlen chuan an piah lawka fek kal haw hei ha dap dap ri te chu an hre thei tawh a.



Thlahtea chuan ti hian khua hi kan lut rawih ang nga, silai fawng vuan ṭheuh kan ni a kan fimkhur tlan a ngai ang. Lalin lam kan panfing nghal ang nga, khaw mi leh sa te lakah a zawl dawh zawngin ṭawngka kan chhak chhuak hram hram dawn nia. Kan thlan te a dai ang chu maw an tih chuan midangho chuan an lu an lo bu nghat nghat a.



Pherpui lalpa chuan a leihka sang aṭang chuan khualval la naupang tak pasalṭha hmel pawh pu lem lo mahse, han belh chiana an taksa phiar mawitak te chu a hmuh hmaih lo chiang kher mai le.



Saihmingliana chuan a pa thusawi te hrechhuak in ahringtunu Saizampuii khua leh tui a nih thu te Pherpui lalpa chu a pu a nih thu te chu an hrechhuak a. Thlahtea chuan Saite," a kaw tawp ah chauh i sawi chhuak dawn nia aw," i pu lalna khua a ni tih chu i beng hriat tluk zet a i hriat ka ring a ni. Pherpui khua hian pasalṭha ralhrat khawkheng tam tak an kawl tih kha hre bawk la an ti sap a.



Ti chuan lal tual thleng chho in lalin a luh an dil a. Lalpa chuan kha kan luseipuite chu in va thawk rip ngai ve le, ralthuam famkim nena ka khaw lei lung in rawn dai luh tak mai le? Kha khawi khaw lal tui tlan nge in nih le an ti dam dap a. Thlahtea chuan lalpa," Lentlang khaw mi leh sa te kan ni e," i khuaah hian zankhat lek min lo mikhual turin i khawngaihna kan rawn dil a ni an tih chuan lalpa chuan a ni tak maw lo lut rawh u tiin lalin chhung lamah chuan an lut tlang ta a.



Ṭhuthmun an han rem fel hnu chuan Pherpui lalpa chuan tlangaupa," ka khual ṭha te hi khaw nge ka thlahnih bel kha han zuk teh le," an tih chuan Tlangaupa chuan tang fahran hian lalpa rapchungsanga zu up chu lo chawiin mikhual ho chu an leh chhuak dap a.



 Chutah," lalpa chuan, eng thu leh hla ah nge ni ta ngai ka khua leh tuiah in lo lawi luh tak mial le tiin an melh kual dan dan a," Thlahtea chuan lalpa," thla bul lam lo lan hun awm velah khan mikhual in nei mial lo maw an ti  tawl a, lalpa chuan, neih awm pawh ka va hre lo ve maw le Hrangvungi pa kan neih awm te i lo hremial lo maw nang mawngzang khua hual peih deuh ah an tih chuan a khawnbawl upa Hranghreua chuan lalpa," kan nrih awm chu ka hre hauh lo mai a, chutih rual erawh chuan Neihzar khaw kawngṭumah i fapa Saizama te sahliam um in Pawi pasalṭha rual an hmuh thu an sawi tak kha maw le an ti charh charh a.



Lalpa chuan," ni e kha zawng kha a ni mai ka ram valh chin rawn dai awma kan han tin hriat thrih te chu. Kan khaw boruak in mung leh thli tlehna lam hian a zual za pui lamah ka beng leh hriatna lam te hi a hawi mah mah zawk hial a, ka khualchhawnte lah berin mikhual kan neih an hriat loh chuan han sawina vak ka va hre lo ve maw le an ti leh charh charh a.




Lalnu tap lama lo ṭhu ngawireng chuan Thlahtea kianga ṭhu ngawi reng tlangval la naupang tak leh taksa lian fu hmelṭha zet mai chu melh leh zak zak ṭhin in a fanu Saizampuii hmel hrechhuak zawkin a ngaihtuahna chu thui tak a lo vak kualtir ve mek bawk a.



Thlahtea chuan, a nih chu maw le lalpa," han sawitlang ta tawp mai ila, pawi ho nena intemna saui kan tan hnu khan leido nei lovin kum kha leh chen muang leiah mawng kan hung a, tunah ti hian kan lal fanu a khuangcherbo ringawt mai hi mak kan ti in a hnu kan han chhui lah chuan chhui zui tur awm lek lovin kan hloh hmiah mai si a, kan lalcfanu chu a la dam ring talt an awm rualin a thih ring tam tak an kat nuk bawk a, chu avang chuan kan khaw boruak  a ṭha lo in ti hian beiseina tlemte la nei in kan rin zawn ta tawp mai a ni an ti a.


Lalpa chu ka ho hian chu tah lo ṭawng chhuak in Lentlang lal fanu hmelṭha a bo i ti e law? Awih a va harsa ve maw le. Kan khaw pasalṭha te hian Lentlang lal fanu hmelṭhat thu hi an sawi cham chi asin, ka chemtei nen pawh khan in an na lai an nei an ti chawk ṭhin. Puih in ngaihna a piangah ka tlan chhe hauh lovang.



Ka pasalṭha Danglova te leh Relliana te pawh hrilh hriat a va ṭha awm ve maw le ab tih chuan Thlahtea chuan lalpa," tuma hnenah lo la sawi lo turin ka duh che a ni. Mahni khaw tana feh chhuak ve meuh kut benga mahni khaw leilung kan rah chuan khaw eng pawh kan hmu ngam hauh lovang le. A thi nge a la dam tih pawh va hriat ni hek suh. Ti hian Lentlang khaw chheh vel khua zawng zawng hi dap chhuah a ṭha kan tih vanga i lalna khuaa bul rawn ṭan kan ni an ti a.



Lalpa chuan a nih chu maw le, Leitlang leh Murlen lam te in hrut tawh em ang nga, han rin zawn ngawt mai chu leido khawhnih kar cheh ang in iang a lawm maw le, an ti a. Thlahtea chuan lalpa," ṭha taka min lo dawnsawn avangin lawmthu kan hrilh che a, Leitlangvleh Murlen lam pawh kan hrut narawh an tihlai chuan Lalpa chuan," ka chemtei a damṭha meuh maw? Kan in thlahdan lah kha ti kha a ni mai sia fa te pawh an kawi ve duah tawh ang chu maw an ti a.



Thlahtea chuan lalpa," ka hre hauh lo mai a," damṭha turah ngai ila, an tih chuan lalpa chuan ni e, khuanun a hual him zel turah ngai ila, nangni pawh hei zanin chu kan zawlbuk in mawi dawn a, hei i naute ho lah an tawr a ṭha in ka khaw buanchak han ter pha tur thawthang an ni vek mai an tih lai chuan Hranghreua chuan," kan khualṭhate hi en ai in an fei zek ang ka ti. Belliana lak ah khan fimkhur ula, khualvalte hi a dim ngai hauh lo a ni tiin an rawn tui hnih a.



Thlahtea leh tlangval pahnih chu lalin ah an thleng a, Saia leh midang te chu khawnbawl inah leh upa dang inah an han sem darh a. Saia te kal hnu lawk chuan lalnu chuan Thlahtea chu lo be vat in kha kha tlangval hmelṭha tak leh lian ṭha zet pian thiam zet kha tu nge a hming ni ngai le, tu nge a nu leh pa an tih zet chuan Thlahtea chuan chhan harsa a ti kher mai le.



Ngun zetin Thlahtea chezia chu Tlangaupa chen chuan thlir in a ṭawng chhuah hun chu an lo nghak far hlawm a. Lalnu chuan chutia Thlahtea mitmeng danglam leh chezia hai rual lova danglam ta chu man thiam in a aia awdam dap mai hian Lentlang pasalṭha," khaw khat lalnu zawhna chu i zah sakin i ngai pawimawh dawn lawm ni? An ti leh zet zawng chhu Thlahtea chuan ti hian a sawi chhuak ta a.



Kha tlangval la naupang tak, hlauhna pianpui ve huah lo tu, zawlbuk kai tir a nih a huaisen taka  Leizo khaw pasalṭha ni ṭhin tuna Mualnuam khua a cheng ta, Tlangpianga khual thang hat khawp a pasalṭha lu khaitu kha, Saihmingliana i tupa ngei a ni e an ti a.



Chutah sawi zawm leh in, lalnu," i fanu erawh ral kutah boralin pialral a lawi ta a ni. Kan awmbo hlan in Pawi ral in kan khua Murlen chu rawn bei in i fanu lal fanu hmelṭha Saizampuii leh Sawiluaia nu chu thah ni in tunah chuan i tupa che tla chu pialral aṭangin an rawn thlir reng tawh ang.



Lalnu, khang hunlai zawng zawng khan in malsawmna dawng tur khan i fanu kha lunglengin in hming kha a lam sep sep ṭhin asin. Chung hunlai chuan rawlthar chhuak mai ka la ni a, ral um tura ke ka pen lai khan zawlbuk bawhbel pawh ka bawhliam hman lo asin.



I tupa kha malsawmna tinteng ten hual in an hualhim zel ang. Mibik a nih kha, lalnu," i tupa khan i fanu thlan hi a tlawh,awl ngai lova, rawlthar chhuak hlim hlawl a nihlai te khan i fanu thlanah riah run a rem fo ṭhin. Khang hunlai zawng zawnga zawlbuk kai rual a nih huna a chak ber ṭhin chu in khawlam hawia chengrang chawi hi a ni. Mah se, hun leh ni te liam ve zelin a pa hian thuṭha tinreng fahin in in tawn leh hun tur thlenga hrilhin nangni hi hmangaih tur cheu in a hrilh fo ṭhin.



Ti chuan U Sawiluaia ho in Pawi khua runin i fanu that tu te pawh an lu kimin phanpui kungah kan khai asin. Khang hunlai khan Saihmingliana hi se en rual lek a la ni. Tunah chuan pasalṭha huaisen hlauh nei lo a lo ni ta a ni an tih chuan lalnu chu ṭhingṭhi hnawk in a mit aṭanga mittui luang zawih zawih chung hian ka rei maw,  ka mangchhia zawng zawngte kha a lo thleng dik a nih hi an ti a.



Chutah sawi zawm leh in, Tlangaupa ka tupa chu ka kiangah hian rawn hruai rawh le tunah la la hian an ti a. Tlangaupa chu kal nghal vatin nakin lawkah chuan lalin leihka chu rawn rap ri in chu ve leh lalnu chuan Saihmingliana chuan kuah thlawpin ka tupa i hmel hi ka mikhual lo asin, en mahteh, Chemtei pa, i tupa hi a nu siar a nu siar, tiin a chala fawh vawng vawng pah hian, tai te, ka tupa," kan malsawmna dawng tur hian i va thangrei ngai ve le," khuanu duhsakna awmzawng zawng chang zel ang che. I nu leh pa te kara kan rorel dan kha min ngaidam ang che an ti vawng vawng a.



Chutah lalpa chuan mittui tla pur chung hian ka tupa," tia thlek vawng vawng pah hian a darah an ben sak thak thak a, chutah Saia chuan," tunah chuan engkim a danglam tawh, ka lak ah tihsual engmah in nei lo ve, hlim tlang takin hun i hmangho ang u an tih lai chuan lalnu chuan Thlahtea chu melh leh pah hian khaw nge ka fapa Saingura an ti leh a, chutah Thlahtea chuan a ni pawn huaisen takin ral a lo danga a chesual ta a ni.




Lalnu," hun kal tawh chu lei leh van a mi te hian herliampui se, hma hun i thlir zawk ang u khai, khuanu kalsiam thlak danglam theih a ni lo ve. Saia thlenin kan in thleng a ngai a nih hi. Zanriah kil te pawh a hun dawn lam lam tawh e. Khawnge ṭinzai kan rel ang nge. Hawh teh Tlangaupa min va kawhhmuh lawk mai ta che tiin an in zui chhuak ta a.



Saia chuan lalpa hnenah chuan ka pu," i khawmi te hian an hre tur a ni lo kan lo kalchhan hi, a chhan chu Lentlang lal fanu kan zawnna kawngah hian lusei hnam phiar ru duhtu an awm mial mai thei a, i tupa ka nih erawh hi chu i kut ah awm se. Kan khua Murlen khua hian buaina leh harsatna kan tawk nasa em em a, Mualnuam khua sawn a ruk a rala chet rawn thawh an tum ngei ang, a chhan chu an pasalṭha lu ka tan vang a ni. Loh thrih lohna in min nanga ka invenhim nan ka beih let a ṭul ta sia, a vannei zawkah ka ṭang ta a nih hi an ti fel fai fak a.



Lalpa chuan chutia pasalṭha khualkai pha chin ngat a tupa in an henh chu chhuang rilru tak chung hian ka tupa, " i lo let leh ve leh thil ropui tak tihsak tur che ka nei asin an tihlai chuan lalnu chuan let leh a, ni lo ve, ka tupa hi ka pasalṭha ten an venghim  tlat tur a ni. A kiangah ka pasalṭhate an awm ve tur a ni. In lo kalchhan chu engpawh ni rawh se, in hnung ka psalṭha ten an zui ang an ti chang fak a.



Zan a ni a, zan reh tak a ni. Zanlai ar a khuang al al a, chung chhaqrhlapui pawn a mawizia tilang chiangtu atan a kiang vela Arsi te sawmin a rualin Pherpui khua chu an en no nghelh a.



Zawlbuk pawna meipui an chheh chu thli thaw heuh heuh te chuan la mit lo chu chhem ṭek eng leh zauh zauhin thlifim chu a leng delh delh a. Chutah van chungsanga thla leh arsi eng phe un te chu chhum kal ruai ruai chuan hliah thim leh zeuh zeuh ṭhin in Pherpui khua chu a en kal relh relh a.



Saihmingliana mu chu in let thawkin a bula mi Thlahtea chu a va khan,ar ar a, chutah Thlahtea chuan mangchhe hle mai ka ti ka nau tih leh Saia mal lian vawngṭha telh tawlh chu an siam rem sak a. Chutah Saia chu rawn che ṭial ṭial in a rawn meng siar siar a, a zunchhuak zun zung tura an ṭhu chhuak chu an ngawi vang vang a. Chutah zung tur chuan an ding nghal hluai a.



Chutah le, zawlbuk tual laia thla eng hlimthla in mihring thla ang zet mai hlim an hmuh chuan a meng zau kawk a, chutah kun hniam nghal vatin muang chang chuan zawlbuk bawhbel ko ah chuan a khabe nghatin a mit tlin tawk chuan zawlbuk tual leh chiang taka lalin lang thei lam chu an thlek vang vang a.




Chutah le, Pawi chhipsam zialpa in lalin kaiṭen ah chengrang chawia lut tura fimkhur zeta a kun da da chu chiang tak hian a vavhmu thei ta, chu ve leh a mutna kianga a tun a silai chu a cheng kau ri rap chung hian an tin vang vang a. Thlahtea lam hawi chi a ni tawh si lo. Thlahtea chu en lem hlei lo hian a ke zungpui chuan Thlahtea hnarah tak mai chuan an va pir pawk mai zawng, chutah Thlahtea chuan eng nge maw i hriat chu leh tia a rawn ṭhu chhuak chiah chu, Saia chuan Ka pa Thlahte," khual duhawm loh kan thleng tih leh a silai chu hmeh puah an rual nghal a. Lal in kawngkhar thleng ṭep tawh chu a nak nemah a silaimu chuan a va deng ta dawt mai le. Chu Pawi pa chu ṭe ṭhaet in chu ve leh zawlbuk tlangval riak ho chuan ral ral tia an rawn au chhuk chu, tumah kha tlan chhuak suh u tih leh silai zawlbuk lam hawia rawn rik chu a rawn rual nghal zat a.



Saia thusawi ngaihtuah lem lova, bawhbel bawh liamtur chaldarah tak chuan silaimu chuan rawn dwng dawt in zawlbuk bawhbel bulah chuan a ke khawngri dat datin pialralah siang a lawi ta. Saia chuan tumah kha chhuak suh u. Zawlbuk hmarlam chhuat kha in chem khan sat awng ula engzah nge an nih kan hre lo. Zawlbuk rawn bei duh ni se an rawn beih a hun tawh. Tumah kha chiai suh u.



Lalin leihka a ka kah hliam saw Pawi a nih saw, silai pu lut zawng khan a cheng kau ula, zawlbuk bang kha ti awng ula, pawn lama mihring hlimthla leh che hlek kha sai nghal pawp ang che u an tih chuan Saia ruahmanna ang chuan an han ti nghal sap sap a. Chutah Thlahtea chuan zawlbuk chhuat mihring lengna khawp a tih kuak ah chuan lut thla nghal zat in silai rawn puahna zawn a piang kha in lo sai dawn nia, meichher an chhi ngam bik hauh lo a, a pawnga takin zawlbuk hi an rawn bei ngam dawn lo. Rilru fim tak kha pu ang che u tiin an put ru zal zal a.



Saia chuan, Pherpui tlangvalte u," zanin zawlbuk lo kai lo zan danga kai ṭhin pem leh hliam nei bawk si lo zanina zawlbuk kai lo kha a mal te te khan han in zawt ula min han hrilh teh u an ti chang fak a. Chutah tlangval pakhar chuan kan pasalṭha  Danglova a rawn tichhuak zauh a, chu ve leh Sawia chuan ka lawm e tih pah chuan Pherpui pasalṭha lakah chuan a thinrim kher mai le.



Lal leihka sanga Pawi na tuar ṭe rawng rawng thawmah chuan lal mual kil ho chuan an in chhuahsan ngam lo chuan lalin lam an bang dap awng aṭang chuan an bik far hlawm a. Chutah leh lalin hnuai aṭang chuan silai lo puak leh ṭhuai in Zawlbuk bang a rawn dwng pawrh tuar a, chutah leh, zawlbuk chhunga mihring na tuar ṭe ri chuan rawn chhun zawm nghal in an han buaipui laih laih a. Chutah, Thlahtea silai chu puak ve ṭhuai in lalin hnuaia mihring tawm chu a va sai ve nghal dawt a, mahse engthawm mah ri dang a awm lo.



Zawlbuk riak ho lah pawn chhuah ngam a ni si lo, mahni luzuar tur khawpa mihring â an ni bik hek lo le. Ti chuan le, khawvar tur rawn in mungṭan in intin aṭang mai chuan thawm a rawn ri chhuak ta hulh hulh mai a. Ralthuam leh far hlawmin chhungkhata ramṭangrual ho chuan khawvar tur chu nghakhlel takin an awm hmunah an in sawh an in sawh a.



Khua chu lo engzual zelin lal kaiṭena Pawi tlangval hliam tuar pawh chu khawsik chuan rawn man ṭanin ṭanpuitu chu a melh a melh mai a, a naka silaimu luhna kaw phawt leh thisen khar chu in chiahpiah nuaih in a che hleithei tawh der si lo, Saia lah chuan lalinhnuai chu a mit chuan uluk zetin an mrlh kar mai a, lal bang thlanglama hnim che laih laih chu tin kawh va hian an kap thawr mai chu mihring na tuar ṭe ri chuan rawn zui leh in pahnih ve ve maw an ti sak a.




Chutah, ring leng lawng hian Saia chuan, khua a var dawn a, ral ho hi an hnungtawlh ang, tunah hian in khuaah hian phatsantu in nei ni tlata hriatna ka nei a, chu avang chuan tuman an hnu hi chhui tih lo a ṭha ang. Mahni chhungte ṭheuh pawh lo lama feh chhuak lo turin in hrilh dawn nia an tih chuan chutia khualval la naupang tak in ruahmanna fing zet an siam zung zung thei leh ral an hnaih hle pawh a chiai hauh lova a awm thei te chu mak ti tak leh chhuangru tak chung chuan an mit sir leh relh relh hlawm a.




Chutah leh, khaw chhung pawh a hmuh chian theih ta, Saia chuan muangchangin aw ka tihdan ang zelin tih leh rang taka zawlbuk bawhbel bawh liam in leicharah chuan an bawk phek thlarh a.



Duhtawk phawt ang.