PÛMAH MI LU. BUNG 11- NA

.

PÛMAH MI LU

BUNG 11- NA.


Zan khawthim hnuaia mihrangval pahnih pheikhai chu a zang vah vah hle mai le. Thinrimna in mihring a thunnun tawh chuan pawisakna nun a neih tlem tir hle a ni tih an hmel hmaiah chuan a hriat ngawih ngawih mai a.



Saizingliana Saihmingliana nau thlasik vawi sawm leh pali hmang ṭan ve mei a kum aia a taksa pum hraw khal tak leh a nu phawk fuh zet, a puitlin hunah a la hmel ṭha ngawt ang tia piai hlawh em em mai chuan a u kawng engkima kaihruai ṭhintu Saitea chu a ngai ve hle mai a.



A zanmu te lah chu muhil thei lovin a in let a in let mai a. Thim tham hnuaiah chuan tho ṭhem ṭhem in an kawngka chu an nrm tawlh zal zal a, an leihka sangah chuan ding vang vangin an piah lam ramngaw dur khup thlaeng in a chhun phut lam chu thlir vang vang in a hma hun thui tsk chu an lo duan lawk thul.



Mutmu pawh tuah mu mal lo chuan chu zan chu a tum tawi ta ṭhak mai a. Zingkhua a lo var hram thiam chitinrengte'n Murlen khua chu hualin an aw mawi tak chu an chhuah chuah chuah mai a. Pi Kawizingi a nulat laia Ralvawn lal fanu hmelṭha zet chuan a fapa mitmeng phelh phang mutmu pawh tuah ṭha mumal lo tih hriat zet a mit sen ram chu an melh zauh zauh a.



Saizingliana nu chuan a tawpa tawpah chuan a fapa duatlai chu bia in Zingte," eng thu leh hla in nge mawlh che a?",  mut khamlo hmel i put tlat chu le tia an zawh chuan Saizingliana chuan ka nu," ka u te hi an chanchin hrait tur a awm si lo," ka ngaihtuah a ni. An dam nge an thi lah hriat va ni suh an ti tham chhal a.



A nu chuan a rilrua Saizingliana a kum ngaihtuaha aia a puitling zek a ni tih an hriat chuan chhuang rilru tak chung hian Zingte," khuanu hian a hual ang nga an chungah eng em a thleng lovang," i pa bulah te reu reu hian sawi hlek suh ang che. Tlangval mah ni se i pa hian nu tel lova a chawi seilen a ni a a ngaihtuahna i ti kal thui lutuk hlauh dah zawk ang nge an ti nem diai a.




Darhawih lal inah ve thung chuan lalpa chu zingkar kara a chhuatlaia vei tawn sek pah hian a fapa leh an khaw pasalṭhaZatinthawnga chu melh tawn chhen chung hian Lusei bawlhhlawh ho lakah hian ka ṭawngka hi a nem zawnga ka chhak chhuah kei Fanai Pawi hian ka tum a lek ah. Ka mit hmuh lai ngeia ka pasalṭha tuk thlutu lu kha ka duh a ni.




In nek ngam loh a hnu Murvalen khuaah palai ka tir mai ta lo'ng. Thlasik kha leh chen lo chhir liam in an ni Lusei hnawksak lak ah rilru vawite khat mah ka la seng ngai eih loh te khan tunah mi deng let a maw?



Hnai lo ve," beng lehlam chu lehlamin rul se, an lu ka duh a ni mai, he ka hmalakna huang hi in zauh ngam loh a hnu pawnfen feng rawh u, tiin an ang ta phiar phiar mai chu. Lal fapa mit menga thinrimna lo lang chhuak chu tuman an hai mawlh lo.



Lal fapa Thangdorem chuan ka pa," em em ṭhin che hian," a sarhu laia ngaihtuahna fim pawh hmang hman lova bawh buan buan chi a ni ngai lo ve. Pasalṭha ralhrat an ngah zia nang ngei pawn i hai hauh lo. Muang leia riah run an rem lai leh thlasik kan hmachhawn leh hma ngeia chet lakna hun in siam hi kan mamawh zawk asin.



A hlauh zawngah chuan kan hlau hauh lo mai. An chak lohna zawn kan zir chian a ngai hmasa a ni. Murlen khaw pasalṭha ho ral hrat zia leh ral beih thiam zia kan thlang ral chipuite lak aṭangin kan hre tawh. Lentlang khua ni se englai mahin fimkhurna an hlauh dawn hauh lo bawk. A chhan chu leido nei khua an nih tlat vang a ni.



Tunah te hian Lentlang lalpa saw a ngawi mai mai hauh lovang. A chhan chu a fanu kan kawl tih kha an hre vek tawh dawn. A pawng a puia rawt chimih ṭhak turin rilru siam a la hun lo a ni. Tunah te hian i khua leh tui himna turin ralven buk te pawh kan thuam ṭhat a ngai zawk asin.



Duh thala chet kan thawh theih nan hun min siam ta mai che. Chutih rual erawh chuan Murvalen lampangah pawh palai tirh chu a sual hauh lovang. A chhan chu Murlen khua te sawn an chheh vel khuate hmin in ṭanrualpui khua engzah nge an neih kan hriat si loh avangin ka pa," i tlangvalte hi chesual thei dinhmunah an ding ve a," keini lam hian an khawsak chetphung a ruka kan va zirchian a ngai a ni an ti dam dap a.



Lalpa chuan a nih a hnu," Lusei mi hnawksak ho ningkhawng hre turin che chhuak mai ta u la, eng nge in nghah reng an ti leh thur thur a.



Pasalṭha Zatinthawnga chuan lalpa," naktip nak thai lo thleng se kan mi rin zawng pangnga nen Lusei ho enthlak hna va thawk i la an nemna lai zawn kan man fuh ve leh lam kal tirin an lo let leh hma loh zawng ramhnuaiah hun eng emaw chen kan lo hmang ang nga ti chuan ralthuam famkim nen kan hmatiam phei tawh mai dawn nia an tih chuan lalpa chuan a ṭha khawp ang. Inbuatsaihna hun ni hnih ka pe ang che u. Tin ka pasalṭha Chhawlkeua lu tan tu Lusei naupang pawisak nei lo kha khuanu hian a hualhim bik ni tlata hriatna ka nei a a lakah khan fimkhurna hloh ngai hauh suh ang che an ti a.




Zatinthanga chuan chu Lusei naupang chu hmachhawn a chak ta zek zek mai a chu tih rual erawh chuan eng ang fakaua ral beihthiam leh chak ni ang maw tia a ngaihtuahna a sen zawh hnu chuan lalpa," ka fimkhurna hloh turin ka chhia leh ṭha hriatna te hian min la kiansan lo ve.  Theih tawpin ka lo fimkhur dawn nia an ti a.



Ti chuan Lusei khaw hrang hrang zeizia zirchiang tur chuan an in buatsaih ta a.



Thlahtea leh Saia chuan an ram perh tarna thleng ve tawh in khunkhan tak mai hian Thlahtea chuan Saite," mahni Lusei pui leido ni tura thinlungin a rin luh meuh chuan ngaihtuahna pawh a dang ta zar mai ka ti. Chutih rual erawh chuan Darhawih lalpa kha a ngawi mai mai hauh lo vang.



Hei thlasik boruak in min ṭham dawn ta der chu a ni mai sia, eng le khaw le, khuanu hian kan chungah zah a ngai chek ang chu maw! Nakin lawka kan khaw daingul tur i la ni a i nun hian zir tur tam tak a la pai khawl ṭeuh ang chumi hnuah chuan tu nge i nih a engmi nge ni tura i lo seilen tih hi i hrethiam choh ang.




I nun hian fimkhurna hloh lo se, pialral lam pan turin ni tinin in peih fo la, dam reng tur erawh a i sual chhuah hun a lo la thleng ang. Chumi hunah chuan i khua aia ngaihpawimawh dang a awm lo tih kha i hrethiam chauh ang. I tan lengi runsang kaina khua a tlai lova, tunah pawh hian Lentlang lal fapa chet dan kha tum nei ran a khatia hmingchhiah kan chunga leihbaw mai chauh a nih ka ring hlel lo ve an ti charh charh a.



Saia chuan, ka lo rin ang chiah a ni e. Zep lovah chuan a farnu kha ka hmangaih a ni. Kan mitmei pawh in veng tawn hman lek lova kha zan hun kan lo hmang kha ka tihsual lian tak a ni. A thleng leh ngai tawh lo vang. Tunah chuan mahni khaw tana chakai khawrh a ngai ta a nih hi. Chutih rual erawh chuan Lentlang lal chhungkua nena kan chanchin kan lalpa in a hriat hunah meuh chuan engtin tak ngai ang maw an ti chhuak vawng vawng a.



Sawia chuan a fapa pang zawk Saizingliana chu melh kal pah hian Zingte," mutmu i tuah ṭha meuh na nge?," i kum phu lovin hei i taksa a ṭhangliana thlasik vawihnih i hmachhawn leh meuh chuan zawlbuk bawhbel pawh i bawh liam ve thei tawh ang chu.




Chumi hun a lo thlen hunah chuan aia upa te zai ngaiin chet thawh la, a pawng a puiin mi i be chhe tur a ni lo. Thawk mawh chhungkuate ensan ngai lo la, Tlangau te hi khaw khata mi pawimawh ber an ni a zah lo taka midangte ang nga auh nawmnah i ching ve tur a ni lo. Pasalṭha nun i zir hunah pawh ram lama rhangchhuah hian i ril ru kap lo se, pasalṭha chuan chhawmdawl ngai te a chhawmdawl ṭhin a, mahni khaw tan pialtal kai ngam khawpin a bei ṭhin.

Hei a ni telin kum a vei mai dawn a, nakin lawkah pawh sa min barhtu i la ni ang, chumi hun a lo thleng hunah pawh hmeithai te leh pa chhe chhungkuate i thlahthlam tur a ni lo. Kan khaw daingul ni turin i hun leh ni te hmang la, i u hi kawng engkimah zah der la chutih rual erawh rawh chuan khûm i tum dawn nia. Tunah zet chuan i u hi pasalṭha tiin a thang ve tawh a, a mah aṭangin zir tur tam tak i nei. Chhelna leh dawh theihna pai tlat ang che tiin thuṭha tinreng chu an fah a.



Duh tawk leh phawt ang.