HNEHTU NGAWICHAWI. BUNG 12- NA.

HNEHTU NGAWICHAWI


BUNG 12- NA.


Sawia chuan zawi sap hian Zokaia awmna sawi rawh, chuti lo chu khaw eng hmu tur i awm tawh hauh lovang an ti a, Danglova chu a thinlunga hlauhrukna inphum  haichhuah saka awmin khur deuh dar dar hian Zokaia vengtu ka ni hleinem, a awmna ka hre hauh lo an ti a.



Sawia chuan," chuti a nih a hnu i lu ji phanpui kungah ka tar ang nga a ni mai a lawm an ti sa et a. Chutah mipui zing aṭang chuan Cheuva chuan," Sawia, duhtawk chin an nei ngai a'," i kut ah a in pe tawh a mi tlawm tawh na na na an khawih zui ngai lo ve a rawn tih dam thlap chuan Sawia chuan zawi sap hian U Cheu," nang i ni maw? Nang kher chu ni lo la  he pa lu hi ka tan ngei ang tih leh nan per dawrh an rual nghal a.



Sawia chuan Zokaia hmel hmai an melh ngial pawn hmuh tur reng a awm lo. Lalpa lam en leh pah chuan a dara silaimu luhna chu hmuh pah hian i pasalṭha ngenmu pakhat tuar hian pialral ka kai chu ring ngai tawh suh. I khua leh tui te zingah hian duh ka nei, chu chu lalpa i hria, ka hmuh hma loh i khaw lei lung hi ka chhuahsan lovang an ti chang fak a.



Lalpa chuan ngun takin Sawia chu an melh tur khai mai a, a hmela tumruhna leh a sawi chu hlen ngei a tum a ni tih an hriat chuan ngawih chuh in mipui ho chu kal kiang turin an ti nghal zat a. Chu-tah Danglova chu bawlpu enkawl turin an ti nghal bawk a.



Hualzasela chuan, " Lalpa, ka keite in a duh chu kan lo nghak phawt ang, chumi hnuah khua hi kan chhuahsan ang, i khaw tlangval te hian kan lakah fin kherek chhuah hauh suh se, chuti lo chu kan chet duh dan tur i hriat kha tiin  lal fapa Saingura chu melh zauh pah hian kan mi duh chu i kutah kan dah e, an tih chuan Saingura chuan hrethiam tak mai hian lalin chu chhuahsanin Zokaia chu zawng turin tlangval panga an hruai nghal a.


Lal leihka sanga rilru muk tak leh a thinlunga vei nei tih hriat ngawih ngawih Sawia chu lal fanu Saizampuii chuan melh vang vangin an pan ding nghal a. A bul a va thlen chuan Saizampuii chuan ka pasalṭha," i dam ṭha maw an ti zawi sap a, Sawia chuan lo melh hrek pah chuan aw ka dam ṭha e, nang zawk an tih chuan Saizampuii chuan kei pawh ka dam e, chhan khat vanga khua leh khua an in run fo hi keizawng ka hrethiam thei lo a ni an ti sap a.



Sawia chuan , chhan khat vang lek pawn khaw ṭhenawm pawh an lungrualpui thei asin, mah se, tiin an ngawi vang vang a, chutah, huaisenna nei tura fuihtu che leh i tana nunna hial pawh chan huam kha i phatsan leh lawi si an ti chang fak a.



Saizampuii chuan, chutiang a ni lo asin, dan chep in ka awm a, i dikna chanvo mipuiin an hriat theih nana ka ka hup tu chu ka u kha a nia sin, tunah chuan in sawifiah tumna hian awmzia a awm tawh lo. I duh chu i hmu thuai ang, mahse, Zokai chu nun ang che. Vawikhat thilsual tih pawizia a hrechiang thawkhat ve viau tawh ang an ti sap a.



Sawia chuan ka dikna chanvo ka hlen hma loh zawng i pa lalna khua hi ka chhuahsan dawn hauh lo, a nun zuah tura min diltu chu a zahawm viau na a, mah se, chu zawng ka hnial ni rawh se tiin kawtchhuah lam chu an thlir vang vang a.



Saizampuii chuan kan nuna mi pawimawh tak te pawh hian min kiansan zel zawng a nih hi an tih chuan Sawia chuan, hnuaihnunna hian mahni dikna pawh min hailan tir lo fo ṭhin reng a ni, tu nge kan tana nunga khuarei thleng pawh a, kan dikna hailan tum ve le? Hnamchawm tlangval satliah hi a dam ve ṭek ṭek chhung chuan a hnungtawlh ngai lovang, i pa lalna khuaah hian mipakhat chiah rin ka nei an ti hmak a.



Saizampuii chuan melh vang vangin , Sawia, chu i mi rin ber chu min hrilh thei em an tih chuan Sawia chuan thei lo. Tun hi i pa lalna khua hi ka rawn rah tawp ni a ni tawh ang an ti sap a. Saizampuii chuan , chu ti chu ka pasalṭha kumkhuaa ka hmu tawh ngai dawn lo a nih chuan atan ka tih theih chhun ka tih ngei a ngai a nih chu, Saizampuii chuan zawi sap hian leng len ar a khuan ve leh thlanmual Zamzo buk piahah khan ka lo nghak ang che. I lo kal lo a nih chuan ka nun hi tih tawp in a awm ang tih hmak pah chuan lalin chhung chu an pen lut a.



Saingura te beidawng chu lo let in, thilawmzia an han sawi chuan Sawia chu a ter ta at mai le. Saingura melh kal pah chuan, ringhlel deuh tak chung hian, lo hum duhna thinlungpu mi chuan min hmachhawn khawp ang an ti hmak a.


Hualzasela chuan lalpa beidawnna hian min man dawn hauh lo a, zankhat tal chu min lo mikhual kan ngai dawn a nih hmel an tih chuan kil khata thinlung taka lo lawmru veng veng chu a hmelah lah hmuh theih khawpin a lo khi ve sak a.



Lalpa chuan, ni tuk e maw le, in duh chen chen in cham thei ang. Ka khua leh tui te tana buaina leh harsatna in thlen dawn loh chuan an ti let ve sak a. Hualzasela chuan i khaw tlangvalte zir leh zir loh a ni ang chu an tih chuan lalpa chuan aw le, khawnge tlangaupa thlenin tur te han kawhhmuh ta che, hei zanriah eirel a hun dawn ta reng mai an tih chuan tlangaupa chu tho tharh in midangho pawh chuan an zui chhuak dam dam a.



Sawia chuan hmuh lawk tur ka nei Khumsih min zui rawh tih leh Pasalṭha Cheuva te in lam chu an pan nghal zat a.



An zu thlen chuan, Sawia chuan U Cheu zankhat tal min lo mikhual thei ang ngem an tih chuan, Cheuva chuan thei tuk e le tiin lawm thiam tak mai hian a lo hui lauh lauh a. Chutia an in zui luh tak hnu chuan Sawia chuan U Cheu, hei kan boruak tawn hi a rit ru hle mai a, engtia hma han lak tur nge maw ni dawn le an tih chuan Cheuva chuan, chung zawng ka hre hauh lo mai. Han nghak phawt mai ula, chuta in nghakchhuak thei ngang lo a nih leh hma in lakna kawngah kan lal hian a dal hauh lovang che u an ti a.



Zanriah chu puar taka an kil hnu chuan leng len ar a rawn khuang ta al al mai le. Sawia chuan U Cheu, tihtur pawimawh deuh ka nei a, ka chhuahsan hma ang che u, tikhan lo inkawm mai ta che u tiin a chhuahsan nghal a.


Fimkhur taka thlanmual lam pan thla in midang thawm ri va an ngaicthla kar pah zel bawk a. Thla lah a eng deuh nghal a, inhmangaih tak te tana in melh tawka na tawk leh fan hian a eng lah chu a dul deuh raih lehnghal.



Lal fanuin thawm chhuahna lam an melh tang hra hra lai tak chuan a mi pa duhthusam a thinlunga hmunsangber chang chuan lo melh karin Sawia chuan eng nge ni ta ka hnenah sawi duh i nei em ni? He thilah hian i mualpho thei tih i in hria em an tih chuan, Saizampuii chuan, engkim huama ti ka ni, mualphona te chu buaina kan tawh,aṭang khan a inṭan daih tawh asin.



Lal fanu ka nih avanga than mawi la chang hram hram ka nih hi. Tiin an pan hnai a. Thli lo thaw deuh har har chuan a sam sei dum nalh tak chu a chhem che hlep hlep mai a. A ṭhatna tizual ting tur lah chuan thla chu a,eng dul deuh raih mai lehnghal.


Saizampuii chuan Sawia, ka thinlung hian i hming hi a lam a lam ṭhin asin, ka,awmdan maqi lo tak leh zahpui awm tak avanga i mi ngsihruat dan pawh ka hre thei hial ang, mahse, chutiang khawpa nula sihhnip ka nih loh zia chu zanin la la hian i fiah thei ang an ti sap a.



Chu thu Sawia chuan an hriat chuan mak a tiin phu lo melh a a lo melh ve hram hram in atan engmah an ui lo tih a hriat chuan a,en ta tlawk tlawk mai a. Saizampuii chuan hnai zual sauh in, tu nge i nih? Eng dinhmunah nge i din tihlam ka ngaihtuah lo, ka hmangaihna che hian min hneh em a ni, tiin Sawia awmah chuan a bei ta thlawp mai a.



Sawia chuan lo kuah let in, lal fanu i ni sia tuna i thil tih hi nakin zel ah pawh ka tan mualphona zakhua tisei tu atan i an chhuahpui mai lo'ng maw? An ti a.



Saizampuii chuan engkim huamin zui che pawh ka hnial lo asin, ka,engkim  hi i kuta ka hlan hnuah pawh rinhlehna mitin min la thlir duh cheu a maw? I laka ka rinawmzia min hriatpui turin thla kawk meuh in chhia ka chham e, khua hmun loh a ka D a la dam chhung chuan rinawmna vawngin a lo lan hun nghakin ka lo thlir reng ang tih ka tiam e an ti ta hmak mai a.



Chu ve leh Sawia chuan kuah nghet zual sauhin, Zampui," tia chul heuh heuh pah chuan an bawh thlu riai riai a, Van chungsanga, thla kal riai riai a vawikhatna ve ve a, am tak maia zan duhawm hmang dun te chu hriatthiam pui ni awm tak in chhum kal raih raih nen in tawk in a enna chu an hliah thim zauh zauh a.


Ṭhu chhuak dun hlawl in Zampuii chuan, Sawia ban chu vuan ran chung hian, Sawia, kei chuan ka lo nghak reng ang che. Ka pa te hian kan awmdun hi an phal dawn hauh lova, kan karah hmelma an hran zual poh leh kei chuan i laka ka rinawmna ka lo vawng nghet zual sauh sauh ang an ti a.



Sawia chuan, keipawn bul ka ṭanpui tawh che a, hrehawm i tawrh hi ka phal dawn hauh lo a nia, hun han ngaichang ila, a,siruk a rawn thawkchhuak meuh in ka rawn dawn che nia. Nangpawh lo in ring ru reng la tih pah chuan Zampuii biang chu an chul heuh heuh a.


Zampuii chuan, ka thianghlimna ka hlan mi pa chu ka hmangaih a, ka hmangaih reng bawk ang. Dam lo hauh la, keipawn ka lo mang lamah tal ka lo thlir reng ṭhin ang che an tih chuan Sawia mipatna lo tho chhuak insum tum tak chu insum hleithei lovin a vawihnih nan kuai thlu leh riai riai in an zên nawn leh sak a.


Duh tawk,ang aw.