HNEHTU NGAWICHAWI. BUNG-13 NA.

HNEHTU NGAWICHAWI

BUNG 13- NA.

Lal fanu kaiṭen rap ri ṭham ṭham chu lalin chhung aṭanga thawm lo ngaithla kar tu te chuan an mit leh beng tun hra in lalin leihkapui lam chu an lo thlir ṭhap a. Lal fanu chu zak kun deuh chal chung hian khumpui lam ah chuan a lut tlang hmak a.

Lalnu chuan chuti a fanu pheikhai ke chheh rit deuh lak chu lo hrethiam in a rilru te te chuan tu tak ni ang maw tiin an ngaihtuah vang vang a.

Sawia chuan zawlbuk bawhbel bawh liam in ngun taka lo en kartu Hualzasela chu an melh ralh a. Hualzasela chuan hei hma kan sawn nep hle mai ka ti. I rilru dam se, bawhzui thiang lo kan bawh zui ni tlat a kan hriat chu le an tih chuan, Sawia pawh chuan nia ti raw? Engpawh ni se, i remruatna ka dal lo ve an tih chuan Hualzasela chuan aw le, naktuk khua var se, muangmarin khaw lam kan pan mai dawn nia tiin mut zai an rel ta a.

Zingkhua a lo var chuan Hualzasela chuan, lalpa khi han tlawh ila ti chuan khua hi kan chhuah san dawn nia, ka laka hriam leh chak tak tak hi an tam dawn a nia, in tukkhum pawh khan mit nei ran rawh se an ti a.

Hualzasela chuan hma hruai in, lalin lam an pan nghal a, lalin chhung an han luh chuan Huazasela chuan,lalpa," hei ti hian i lalna khua hi kan chhuahsan phawt ang nga, nangni khua nen hian in ngeih tlang takin i awm ang u an ti dap dap a.

Lalpa chuan," ni e, hei in duh ber lah chu the hmeh ang mai in a rrh hmiah mai si a, in ngaihdamna tawnna hi a pawimawh reng a ni tiin Sawia chu an mitsir ralh a.

Kil khata ngawi renga lo ṭhu lal fanu chuan Sawia chu an melh leh hrek hrek zel a, Hualzasela chuan aw le, lampa kan khaw lam hawi hian i tlangvalte hian an hriam lek lo se, keini lam pawn ka lek hek lovang, tiin kalkawnga an ṭamhnem tur faisa den tam tawk leh ba ne chhum leh sanghal sarep tul a an thil tam tham fe chu an iptepuiah a fanu chu an thun tir a.

Sawia chuan zawi sap hian lal fanu, lo dam reng ang che, an ti sap a, lal fanu chuan nang pawh aw an ti no ve hnap a.

Ti chuan mihrangval rual te chu an khaw lam pan turin kawtchhuah lamah an in zui ta tliar tliar hlawm a. Hualzasela chuan, hei kan ṭhahnem tham bawk a, muangchangin aw niang nghal rual tawn fuh pawh a chakawm narawh e, tiin hlim hmel pu sarh chung chuan hma an hruai nghauh nghauh a.

Tlai ni nemah chuan Pherpui khaw ho perh tarna an thleng chawp chilh nghal mai a, Hualzasela chuan hei le, tunah chuan Pherpui khaw perh tarna kan thleng chu a ni ta der mai a, fimkhurna hlauh miah lovin aw, kan hmaah eng nge lo thleng dawn tih lah kan hre si lo, kan kalna ngai kha zawh in khaw chhak lam kan hrut ang nga, ti chuan tumtluk mual lam panin khua kan pan vang vang ang.

Chhippui khaw ram chin kan dai lut dawn a,  tu mai pawh hmelma en in kan en tur a ni. Khaw karah zanhnih kan riah a ngai a, kan faisa ah hi kan ren deuh a ṭul ang, tiin Pherpui khaw ramchin dai lut chuan kal zai an rel ta a.


Chhippui khaw ram chin chu boruak a thiang nuam in a vawt deuh var a, Hualzasela chuan Khumsih nu chu bia in ka pi," hlauin zam hauh suh aw, i hah chuan sawi la hei a la tlai chhe lo nen muangchangin kan kal dawn nia an tih chuan Khimsih nu chuan hlauh lah lo ve, in thlazarna hnuaiah ka thla pawh a muang sawng sawn e, in lalpa chuan min lo pawm duh meuh ang maw an tih chuan Hualzasela chuan lungngai mah ta che, kan lalpa hi a fel a, a khua leh tui rawn bel te a hnar ngai hlei nem an ti dam diai a.



Kham chheng chhe tak chu an pel fel der a, Pherpui khaw perh tarna pawh an han thlen chuan Hualzasela chuan hei le, kan lal ram bawh chin kan dai lut ta, chu han ngaithla ve mah teh u, Ṭiau tui lian ri so bulh bulh ri pawh ka bengah an luh chu leṭ nau te u kan him tawh e tia hlim taka ram an lo bawh leh sa an lo chan ṭhinna chu an thlir vang vang a.



Hualzasela chuan ti hian kawngṭum saw kan zawh chho ang nga chul ram kan lut dawn nia, tiin hma an hruai leh nghal zat a.



Sawia chu a kal lai a ding ta chat mai le, uai en teh u an hnu chu an thup ve hle mai ka ti, tiin a sir dinglam a hnim pal buak, lo phe deuh pheu lam chu kawk va chung hian U Hual, ka chhui dawn asin an ti a. Hualzasela chuan , a mak hle mai ka ti, kan piah ni hnih kal vel ah sawn Leitlang khua a awm a, an pasalṭha te pawh saw mi tawrawt tak tak te an ni hlawm asin, an ni nen hian kan in tlawh pawh ngai hauh lo mai an ti khauh a.


Tuaka chuan hei tunah chuan U Hual min rawn tlawhpawh ta a va ang ve, mahni lusei pui khua leido neih hi engtikah tak kianzai rel ve ang maw an ti sap a.



Hualzasela chuan, Tuaka, Sawia leh Khumsih khan hnu hi chhui ula, Khumsih kha a ram leh a chhehvel awmdan in hrilh pah zel dawn nia, a mah erawh chu rawn muangchang lutuk lovang che u, Tuaka nangin hma hruai la, kan khaw ramchin kha an ni pahnih kha ngun takin i zirchianpui dawn nia, hei ni pawh a dul  in khaw thlang ah liam turin a in peih ta at mai, hahdam takin kan lo han kal ang nga, lenglen hun awm vel ah kan luh ka in beisei a, zawlbuk ah in chanchin ngaichangin kan lo nghak ang che u tiin an han in ṭhen ta phak a.



Tuaka chuan hma hruaiin, ka rin ai daih in an hnu hi an thup lem lo hle mai ka ti, kan khaw ram chin enthlatute an ni mai lo'ng maw aw tiin kun da chung chuan mihring hnu chu an chhui ta zar zar mai a.



Thui fe an han chhui chuan hnu chuan kawrte zawh thla in, Ṭiau lui hnar lam a pan tlat mai le, an piah lawk a lungpui lianpui pahnih in si rana lo ding tauh lurh lam chu pan phei in lungpui bula meichhem na leh an chettlatna bel han chu hmu nghal zat in, Tuaka chuan, ṭhiante u, kan faisa ah khan engchen nge min daih theih ang le an tih chuan, Sawia chuan, ṭhiana, zantiah tlai leh zing vawikhat chu min la la daih ang an tih chuan aw le, kan chhui nghal zel ang, ti hian hnu hi kual in kan khaw tlang chhip lam pawh a pan mai thei tiin an zui leh char char a.



Zan khaw thim chuan tlangval tuai tir hlauhna pian pui ve lo pathum te chu a man ta. Tuaka chuan, meichher hi kan hnu chhui theih tawk lek in i chhi ang u khai, a thui thei angber thlen tum phawt mai teh ang u, kan khawr ramchin kan pel ṭep tawh a nia , khi en teh u, arsi leh thla pawn kan vel a rawn en chiang telh telh dawn e, tiin meichher chu chhi kaiin hma an hruai chhunzawm nghal zat a.



Chu an hnu chhui chu tlangsang lam panin a kal kual leh ta tlat mai le, an ni pawh chuan hnu chu chhui chho zel in lengkir ko lamah an chhui lut leh a, ti chuan tlang chu an chuan chhuak ta der mai le.


Tuaka chuan, a mak mang teh e ka ti, kan khaq enthlatute hi an ni awm mang lo ve, kan let san leh mai dawn em niang an tih chuan Khumsih chuan kan chhui ta rau rau, an hnu tawp rat kan thleng ang chu le an tih chuan Tuaka chuan ni ang hmiang, khaw nge i beidawnsan lo teh ang, he khiang kungah hian Sawia lawn la mei eng i hmu mial mai thei an tih chuan Sawia chuan ni ang hmiang tih leh Lhiang kunga lawn chu an rual a, a ler sang an han thlen thlak chuan Khumsih i meichher kha ti mit rawh, kan va in nangchin teuh thar thar ve le, kan thlang lawk ah khuan meichher in chhi pali lai ka hmu e, Tuaka nang, hma hruai leh rawh le an tih chuan hnu chu an han chhui zui leh nghal zat a.



Kawi li vel an han chhui chuan an meichher ken chu ti mit in Tuaka chuan chawl det ang uhmiang maimochhing vang vangin thla leh arsi eng khi kan rin a ngai tiin meichher chu an ti mit nghal zat a.



Ti chuan le, kawrkam zawl lai deuhah chuan sanghla sa hi hlim takin tu tih hriat loh mipanga te chuan an lo chan mawlh mawlh a. Tuaka chuan Sawia nangin dinglamah sir hle la, Khumsih, nang vei lamah ka aw ka chhuah hma loh zawng buaina tipunlun zawngin in ka lo ang suh ang che u, khawi khua leh tui te nge an nih kan chian ang nge tiin an pan hnai ṭhem ṭhem a.


Duh tawk phawt ang. Ka la nuamsam lo ka mit hian a tlin meuh lo.