HMANGAIH CHAN TAWH TE TAN.

THANLUNGA ROSE SEN
.
Duhtak,
.
Tu tan nge ka inchei tak ang? I hlim nana ka sawisual luih fo thin te khan mual min liam san a, i aw ngaihnobei rimawi tak te khan khuarei an chang ta si.
.
Siamtu remruat dan pawm thiam har ti tak chunga kan pawm a ngai asi.
.
Thinlung lairil atap, hmuh ninawmloh hlim hmel nui ri in min thlem bang. Hriat ngai loh ram kan fang, kan fan'na lamtluangah Rose senduk mawitak kan thliak. A hling chu hlauhawmin lang mahse, apar tirtu a ni lawi si.
.
Kan duh kan hmu, kan banin a ban, a parmawi kan keu, a lairil tetakte kan hmu lungchhe takin mite hmuh hlau takin a tap.
.
Kan hnutchhiah Lungphun mawi ber ah. Kan kalsan mangtha damtakin. Hmahun hrelawk ila zawng lungngaihna mittui te hi hlim hmel nuiri mawiber an chang ngei ang.
.
Kan mit atanga mittui luang chuan hriat ngailoh ram min fan tir mahse, thinlungah a fiah lawi si. Hun kalta, liamta te khan min vel nawn, rihna leh hmel mawina tlahniam zel in.
.
Lalpa, hringnun kawngzawh hi har kan ti. Nang awmlo la chuan, chauin kan tlu sawp tawh ngei ang le. Hmel duh hmangaihna kuhmum rawn par chhuak chuan reilote hlimzai vawrtir ve mahse, rei a daih si lo, par lai a til, hmahun hre lawk lo hringmi nih zawng a va nunrawn thlak em.
.
Chun leh zua leh unaute nui lui lai hmel  hmuh chu hreawm tawngkam hian a hrilhfiah zo si lo. Thim hnuaia leng ang mai kan ni. Damna runsang ti mawi a, ti hreawmtu thinlung chuan ka kalsan tak Rose sendun mawitak chu kan chhar leh angnga, vanlam hawi pahin alaia thu leh akianga angel ten hla thuhmun nen an lo ban ngei ang le.
.
Duhawmna te, itawmnate, awhawmna  zawng zawng changtu nun chu he khawvela Rosum te hian a lei zo dawn si lo. Lengzawngte ti hlimtum, ti bengvartu, keini'n  ka pawm thei mawlh lo, khuanu nun hi a van rawng tehlul em.
.
Tunah zawng duhtak i rauthla talin aw. Hei itan Rose senduk kan rawn hmutchhiah e.