HNEHTU NFAWICHAWI. BUNG 14- NA.

HNEHTU NGAWICHAWI


BUNG 14- NA.

Kawrruam an han dai lut a, mi pangnga te chu Tuaka chuan an melh kual dan dan a. Leitlang pasalṭha Aidula chuan hei tunah chuan kan khaw leilung kan rap dawn ta der mai, Murlen khaw ramchin kan pel ta bawk a, ti hi chuan muang takin khua kan lut thei tawh ang, Zahmuak, nangin mei lo nun la, a ur na tur, Khumtir, nangin hnim lamah sawn ram pasalṭha khel tur, a mei lam leh a  a ngal pahnih kha theh phei la, Denglian nangin mausep bul chang lai kha lo hlai rawh tiin thupe aw tak mai chuan an tih tur ṭheuh an hrilh nghal zung zung a.


An pasalṭha Zaduna chuan, Aidul,"  Murlen lal fanu hmelṭha zia leh Pherpui lal fanu ṭhat zia hi kan chhehvel khuaah hian a lar hle mai ka ti, vawikhata vawikhat chu an seih lai hmu tur hrim hrim in an khua kan la chuan dawn em niang tiin an nui huah huah a."



Aidula chuan, ni e maw le, an sawi chamchi a, kan khaw nula, Kailiani pawh hi a nep bik chuang hlei lo'ng nge, in sawi takah chuan kan lalpa leh Murlen lalpa hi khaw inhlat lem lovah chuan an in tlawhpawh lem lo hle mai ka ti. An pasalṭha Hualzasela lah a uai thla lam a lo ni tawh nen, pasalṭha han chhiar tham an awm hauh lo mai, rammu a chhuah te pawh a chakawm lam lam a nih hi, mahni ram valh chinah hian tha te pawh a ṭhum zo dawn ka ti an ti deuh ngat a.



Zahmuaka chuan U Aidul," Murlen khua hi rammut nan vawikhata vawikhat chu a chakawm hle mai ka ti," tawnhriat ngah nan leh nakin zela kan khaw tan te pawh hian tiin acruka rallu khaia a chak zia chu an chhak chhuak zauh a.


Zaduna chuan," mi pa ṭawngka chhuak diktak a ni," chutih rual erawh chuan kan khaw tana hnawksak ni miah lo hi kan lalpa hian leido atan a rin lut hauh lovang le. Mah se'ng, tun nge hma hun hre lawk? Nunchhan nana kan beih a ngai a, mahni luseipui lama hriam lek a ṭul hun pawh a la awm mahna an ti nghut a.


Aidula chuan, engpawh ni se, tia a sawilai chuan Tuaka chuan a kerah chhan lei hnip laia lei ṭhil chu rap tla er er in han in siam remna hman a awm tawh ngang lo.


Aidula chuan tu nge i nih, khawi lam khaw tui tlan nge i nih tih leh a silaia tin chu an rual nghal zat a. Tuaka chuan zam map lo hian, Murlen khaw tlangval ka ni e. Kan khaw ram chinah in hnu hnutchhiah in ka rawn chhui ta che u a ni tiin a ṭhiante pahnih chu an sawilang duh rih lo a.


Aidula chuan , a nih a hnu ti lai thleng thlenga min rawn la chhui fo, in pawi pawh sawi kan ni hek lo, nangni nena buaina neih hi kan tum a ni lo, kan sa hnu in in khaw ramchin a dai luh vang mai mai a in ram valh china hniak hnutchhiah kan ni, i lu kha ka thlawh darh vek mai tur asin an ti chang fak a.



Tuaka chuan, ni e, hetia ka lo nangchin takah che'u chuan kan khaw tana pawikhawih hmel in pu ta si lo a, let leh ka tum lai takin lei ṭhil ka rap palh a , ti chuan ka kal thei tawh em an ti sam et a. Zaduna chuan naupang, chaltlai takin aia u te an chhang ngai lo ve, a fawng chelhtu kan ni a, i kal leh kal loh tur chu kan thu thu an ti chang fak a.



Tuaka chuan ka pu ka tihpalh, min ngaidam dawn nia an ti a, Aidula chuan i iptepui kha rawn thehphei teh an tih chuan Tuaka chuan an thehphei ve mai a, Aidula chuan Leitlang pasalṭhate i enthlak manah i mi lu lak chem hi chu kan lo kawl ang nge. I rauh viau a nih leh kan lalpa i dil dawn zu nia, ti khan haw vang vang rawh an tih chuan Tuaka pawh chu ṭha takin an in her ve mai bawk a.



Zaduna chuan," tlangval, misual chu i nih ka ring hauh lo, mahse mi enthlak ching tawh ngai suh ang che an ti ve sak hnu chuan," Tuaka chuan aw le, ka tihpalh a ni e, ka Kawlhnam lam tur chuan in vangkhua ka rawn lawi lut ngei ang ka kal phawt ang nge an tih chuan Aidula chuan eng maw i sawi kha? I kawlhnam hi la let turin kan khaw leilung i rawn la rap ngam ang maw? Tunah la la hian i lu kha ka la thei tih hria ang che an ti ram hmak a.


Tuaka chu muangchanga in her leh in, ka pu, " ngaihdam ka dil hnu cheu pawn ka kawlhnam min laksak leh a, " chutah pawh chuan ngawih ka la chuh a, mahni luseipui te lakah tiang hian ṭawng an thlah ngai lo ve an ti let ve sak a.



Aidula chuan mai mai che chuan i lu hi ka la khawp ang tih leh pan an tum thla rawh a, Tuaka chuan lo hnai suh, pasalṭha, kha bak chu a tih rual chiah chuan, Sawia chuan, pasalṭha," i ke kha penkhat han pen leh chiah teh, a khampheiin in khua i lut ngei ang tih ri lo chhuahna lam chu an han hawi rual nghal ṭhawt a.


Sawia chuan Khumsih," i tum i thlangfel tawh em an tih chuan," Khumsih chuan ka tum ka hlah ngai lo ve, thu an awih dan a zirin an nun ka zuah chauh ang an ti thum chher chher a. Lusei aw phawi awn deuh tak mai hian Khumsih chuan pu a, a kawlhnam kha tunah i pek let loh chuan i lu kha ka thlawh darh vek ang an ti chhuak chhak a.



Aidula chuan a aihnah phahpui chu melh rulh pah hian a lu an bu nghat a.  Tuaka kawlhnam chu thehphei in Tuaka chuan la nghal in, ṭha te te khan min thlah ni ula chuan tiang hi a thleng lo tur tiin an melh kual dan dan a. Mi lu khai chak em em a ti ti lo vawrh tu Dengliana lam hawi pah chuan Murlen khaw mi leh sa lu kha i la khai chak em? Ka in peih e tiin thip takin an melh ram a, Dengliana lah lo zam lo nasa, khanglang che chuan i ngam ngam ka ngam e tiin a iptepuia a mi lu lak chem chu an phawi chhuak zal zal a.



Sawia chuan, tlangval ti duh ting suh, i vsnglai hun a liam hma lutuk lua dawn e, pialrala kal turin i la uihawm lutuk,  tih pah chuan a rawn pen chhuak ta chhat chhat a. Sawia chu ngun takin an han thlek ha a.


A hmela hlauhna pianpui hauh lo tu leh a taksa inphut mawi zet te chu hmuhnawm ti takin an thlir a. Sawia chuan  Dengliana melh pah chuan, tlangval," i chempui hmawr khan kan lam hawi tir duh suh. Chuti lo chu pialralah i kal nghal ang an ti chang fak a.


Zaduna chuan a nge nge in hriat chu le? Leido neih hi englaipawn kan in peih e an ti chang fak a. Sawia chuan in ṭawngka chhuak aṭang kha chuan Murlen pasalṭha uaithla lam khua chu in ngainep viau a ni lawm ni? Hualzasela naute kan la dam ṭek ṭek e. Keini chuan a kaihza kan veng zel ang.


Mahse, a ni chuan aia u te zah dan leh awmdan tur min hrilh fo ṭhin, enthlatute min tia maw? Kan khawram chin lo dai lut tu te hi kan thlahthlam ngai hauh lo a ni tih hi lo hrereng ang che u an ti hmak a.


Aidula chuan Sawia chu melh vang vang hian, naua i ṭawng tam hle mai ka ti. Leitlang pasalṭha hi min han hmachhawn ta che tiin a mi lu lak chem, a hmawr bing zuih tat chu an hum nghet sauh a. Sawia chuan Pu a, ni ang hmiang, kan ruang erawh a kimin khua thleng rawh se aw tiin a silai chu an dah a. Sawia chuan Khumsih," dik lo taka che chu i sai dawn nia," an ti a.



Zaduna chuan a aihnahphah pui chu ring tawk tih hriat tak mai hian mei chu an lo chhawm eng ta hluah mai a, mahse, Sawia pian vel leh a mit meng an en chian nak chuan a ṭhianpa avhlauh loh dan em em chuan a ngaih a ti ṭha meuh lo. Mahse, a tlai zo tawh.



Aidula chuan bawh nghal ruak chung chuan Sawia dul zawnah a mi lu lak chem chu an vai phei puat a, Sawia chu lo ip chawih in a teuh ther ther teh e. Sawia chuan Pu a, i tum i ṭhelh hlauh mai tiin an zuang thauh thauh a, chu tah leh Sawia chuan kha aw, Murlen tlangval tuaitir tih leh zuan pah chuan a kawlhnam ṭangphel dawna sei chu an chhuk sah ngheng mai zawng, Aidula chu leiah ṭhingṭhi hnawk in Sawia kawlhnam chu a lo dang ve hram hram a.



Sawia chuan a in siamrem lai tak a ke dinglam a tawlhhnung tur chu nangchin leh nghal vat in , pu a i chet a fum e tih leh dinglam sira in her thut in Aidula chemvai lohna lamah chuan in zep lut nghal zat in a kawlhnam hriam tak mai chuan Aidula nghawng chu a tin ta ran mai, a duh aiin a kal thui tih hriat tak mai hian Aidula nghawng Sawia kawlhnam in a tawh chin chu a rawn thi chhuak ṭhem ṭhem a.


Sawia chuan pu a, i mi lu lak chem kha dah thla rang rawh an tih tuarh chuan Aidula chuan leiah thlauh nghal zat in, ka lu hian kan khua thleng rawh se an ti a.


Sawia chuan, ṭha te te a in dawr mai tur kha a nia, a ni lo zawnga in nek na hian rah duhawm loh a chhuah fo ṭhin. I nunna hi ka ṭhiante pahnih kut ah a awm e, ṭhiante u thutlukna in siam thei em an tih chuan, Khumsih chuan, a nunna kha an sarep tul hnih sawn thleng rawh se. Nunna hi a hlu a tuma pek theih a ni lo ve, Sawia," lusei te hi in ngeih takin awm rawh u an rawn ti chhuak khauh mai a


Tuaka nuih te lah chu a za ru riau mai a, Pasalṭha, ni e, ka kua hi a ruak tawh a nia an tih chuan, leia ṭhingṭhi, Aidula chu kaitho in ka pu tho rawh le, mahni lusei pui te chungah hriam leh hi ka duh ngai hauh lo a, mahse min tur tu an awm hi chuan ka duh aiin la kal thui mah mah ṭhin, ti hian hei kan kua lah a ruak hle mai a, in sa kah hi tlem azawng min paipawn thei lawm ni an ti dam thlap a.



Aidula chuan a hmaa tlangval la naupang tak a nunna laksak thei rengtu chu an eng ngat ngat a, chutah Sawia bawk chuan, ka pu, "ka duh chuan i lu kha la thei ka ni, ka riltu ka thlak leh a, nupui fanau nei i nih ngei ka ring a, i nupuo leh fanau te hmuhsita an awm tur kha ka ngai ngam lo a ni, ka ṭhat vang ni hauh lovin nakin hun ka thlir vang a ni e.


Tin, in naute hi i lo zilh hau dawn nia, khawi hmunah pawh ṭawngkam mawi an hmang hram hram tur a ni, kan hriat ngai loh mi lakah nun zemawi tak lanchhuah tir tur, tu te nge kan hmachhawn tih hi hriat tum ran tur. Nakin lawkah pasalṭha tam tak an rawn la chhuak dawn, chumi te zingah chuan i nau te hi an tel ve tur a ni. Pasalṭha chuan pasalṭha vek a hringchhuak ṭhin an ti a.


Tuaka chuan kut lo beng in, ka pu, i mi beihpa kha, ṭiau ral a an hlauhrawn Kamzarem lutantu a nih kha i vannei teh e anvtih meuh chuan Aidula te ho chu an ka hau a. Zaduna chuan tlangval i hming hi kan thinlungah kan lo pai reng tawh ang an ti sap a.


Tuaka chuan khaw inhnaih tak khua kan nia, kan lalpa hian leido nei lo hram hram turin min zirtir fo ṭhin, tunah chu min zirtirna rah chu i nhmu ta a nih hi, nakinah pawh kan la in tlawhpawh hun a lo la thleng ang, rilru hmunkhat pu a khual ṭha thlena thleng tur kan ni zawk tih hi min lo hriatsak dawn nia an ti sap a


Aidula chuan Sawia chu melh vang vang pah hian tlangval ka hrereng tawh ang che. Kan khua i rawn la lawi lut ngei ang nga ka lo thleng ang che. Ka nun zuahtu hi ka hmu chhe hauh lovang che. Tiin satul chu pe in an in ṭhen ta hmak a.



Tuaka chuan, a lu kha i va laksak teuh ther ther ve le an tih chuan Sawia chuan ka tum ka thlak leh a nih kha, ṭhianpa, tuma hnenah sawi chhuah awih loh ah aw tiin chawlhna remchang an han melh nghal a.


Duhtawk ang