PÛMAH MI LU. BUNG 5- NA.

.PÛMAH MI LU.

BUNG5- NA



Pawi tlangval Zachima chuan Thlahtea melh vang vang pah chuan," ka lawm e," kan khua hi he ta ṭanga chhimlam hawi zawnga kan kal ngat ngat a nih chuan a karah zanthum bak riah a ngai lo vang. Chutih rual erawh chuan kan lalpa hian pasalṭha ralhrat tam tak a nei a an htuanghrau a na in an midip lah a narawh e, pawisak an nei lova, an lak ah pawh fimkhur in chhuah hle a ngai ang an ti charh charh a.



Thlahtea chuan chuti chu engtianga hma han lak tur nge ni ta ang? Pherpui pasalṭha Danglova hi kan thlahthlam hauh tur a ni lo, chutih rual erawh chuan kan huntawn in a zir lo nen Lentlang lal fanu hi kan buaipuina lamah hian khua kan tlai hlauh dah ang nge an tih chuan a rilru buai ruk zia chu a hmel ah chuan a rawn lang chhuak hial a.




Saia chuan Pa Thlahte," Pherpui khua chu dahṭha rih mai phawt ila, kan kal chhan hi kan thinlung leh rilruah lian zawk teh se, ti hian kalzai kan rel mai dawn em ni an tih chuan Saia duhthusam tipuitling tur chuan Pawi khua chu an pan ta chhek chhek mai le.



(Pehhel lampang hi ka tihdan a ni lova, a nihna ang rawt rawt in leh ka story kal phung ang zelin ka kal miah miah dawn a nia)




Ti chuan, a karah zanhnih riak in tlai ni nemah Darhawih khua chu lut in khaw mipuite chuan an khuaa Lusei tlangval rawn lawi lut te chu makti tak chunga thlir in an hnung chu an rawn zui nghal dul dul a. Zachima chuan hengmite hi kan leido an ni lova ka nunna chhanhimtute an ni tiin a lo hnai ho te bulah chuan sawi pah zelin lalin chu an han pan a.



Zachima chuan lalin a luh chu an han dil a, lalpa chuan melh kur chung hian kha Lusei tlangvalte lan nireng chuan lo kal teh u khai, ka lalin ropui tak hi rawn mawi teh u tiin an hui loh loh a.  Ti chuan lalin chu chuangkaiin tap kil lama bai chhuan lo vil ve mek Lusei nula hmelṭha tak lo hawi chhuak chuan a Luseipuite an han hmuh chuan a mittui chu a khap per sak a.




Lalpa Thangdorem chuan eng nge ni ta le hei chen chen ka khaw lei lung in rawn rah le? Zachim," ti nge i dar kha ngenmu denna awma mawi lah nireng chuan tiin zawhna an zaqh chhunzawm nghal zat a.


Zachima chuan lalpa," i rorelna dal tura hmala tu chu Pherpui pasalṭha Danglova kha a ni e," a ni khan min lo phiar ru reng a ni. Ti chuan i mi te thatin hei Lusei ṭhiante hian min lo chhan hman hram a ni tiin dawr var chu an kam chhuah nghal salh a.



Lalpa chuan che heu le! A chuti zawnga ka laka rinawm mintiamtu khan min phatsan vei a maw, lo ngawi tak rawh se, ka hlep ral raih ta ve ang, Tlangaupa ka pasalṭha te zu ko khawm la, tunah la la hian rorel kan ṭan nghal ang an ti tun tun a.



Lalpa chuan Thlahtea te chu melh kul chung hian khawi khua leh tui te nge in nih le? Keini tan chuan kan leido in nia sin, ka tlangval nunna chhan lo ula chuan in lakah pawh hian zah ka ngai lovang an ti a. Thlahtea chuan lalpa, Buanghmun khua leh tui te kan ni e, kan lak ah zahngaihna i lantir avangin lawmthu kan hrilh che. Lal ropui leh thiltithei tak i lo ni e tiin an fak zauh a.



Lalpa chuan chutia fakna aw ka a benga an hriat chuan khi hui chung hian, Lusei tlangval,"  i sawidik e," ka khawropuizia hmu tura ka khaw lei lung in rawn rap hi ka lawm hle mai, chutih rual erawh chuan Lusei ho hian lan pawi nasa takin in lo khawih tawhna erawh ka mangphan fova, ka khua leh tuiah hian zahngaihna sangber ka lantir nan kan khaw nula runsang in kai ka remti hauh lo a nia an ti chang leh fak a.



Thlahtea chuan lalpa," keini belval vala val te zawng i khaw nula ho hian mitsir pawn min melh pwih hauh lovang, i thu erawh kan zawm tlat ang tih ka tiam a che. Hei hi i laka ka rinawmzia tilangtu atan tih pah chuan a silai chu lal hnenah chuan an hlan hmiah mai chu midangte leh lalpa chuan mak ti takin Thlahtea chu an thlek ha a.




Chutah Thlahtea chuan lalpa," i nkhua leh tui angnga min en theih chuan engpawh ka huam ngei ang," kei Buanghmun pasalṭha hian ka tiam a che. Ni leh thla a lan chhung chuan i lamah ka ṭang tlat ang, tin i pasalṭha chhuantawlawl pawh min chhin nan i hma theh thei ang an ti a.


Lalpa chuan uai, chu ka pasalṭha chu malbeihah i cho a maw? Thihna hmachhawn chu i thlang chiah ang maw tiin an nui huah huah a. Thlahtea chuan dam reng turin hmahun ka thlira pialral kai turin englai pawn ka in peih at e an ti let ve sak a.



Chutah a pasalṭha te chu ralthuam famkim nen lalin rawn pen lut nghalin lalpa chuan ṭhutna lo kawhhmuh in an han ṭhufel chiah chu lalpa chuan a nih a hnu ennawm kan thlir tlang a niang chu tih leh a pasalṭha chhuan tawlawl Khankimsiam chu melh rulh pah hian ka pasalṭha hei he Luseipa hiam inmalbeihah a cho che a nih chu tiin an nui leh hui hui a.



Thlahtea chuan chu pasalṭha lalpa in a biakpa chu enkal chung hian a awma sapui hamna hnu ser kulh leh a bianga Savawm hamna hnu hma an hmuh chuan minamei a nih loh zia chu a hrechiang hle mai.



Khankimsiam pawh chuan a bul lawka Lusei pasalṭha tih hroat ngawih ngawih, hmel fai vang leh dar pharh darh mai te, a mitmeng fiah fai fel fak leh a pian inkhaithli zaih mai te chu chik zet a melh pah chuan Thlahtea kianga ṭhu ngawi reng Saihmingliana pawh chu melh zauhin a rilrute te chuan mi namai an ni hauh lo vang le an ti sap a.



Chutah lalpa chuan a pasalṭha mitmeng chu chik zet a melh kal pah hian, chu a chona chu i pawm dawn em ka pasalṭha an ti chher chher a. Khankimsiam chuan lalpa," ni ang hmiang," chuti fakauva ka che tla hmuchak leh min hmachhawn chak te chuan kei Darhawih pasalṭha hi Lusei fasawn lakah ka zam ngai lo ve tih pah chuan lal tual lam chu an panding nghal hmiah a.



Chutah Thlahtea chuan zui nghalin lal tual an han thlen chuan kawlhnam nen inring tak chungin an han in veh nghal zat a, Thlahtea chuan pu a," i theihtawp chhuah ang che aw an ti thum chhak a. Khankimsiam chuan a lu buk nghat pah hian rang taka Thlahtea lama tlan puat pah chuan a kawlhnam tawng chen vela sei chu an vai phe vuai a, Thlahtea chhip sam chu lal tualah chuan a lengthla dalh dalh a, nuih sawng chung hian a teuh ther ther teh e an ti sak a.



Chutah mipui lo pungkhawm zelin Khankimsiam tiin an lo au rual dual dual a, Khankimsiam chu zuang thoh thoh chung hian nuih huau huau pah hian Luseipa," i mi beih hi i hrechiang lo a ni an ti leh salh a. Thlahtea chuan pu a," bul kan ṭan dawn chauh alawm maw le, ka ni ve thung aw tih leh tlankawi zar zar pah hian Khankimsiam nghawng zawnah chuan a kawlhnam chu an vai phe ve puat a, mahse Khankimsiam chu lo kun zauhin Khankimsiam chuan Luseipa i tun i hlah e tiin an nuih leh vur vur a.



Thlahtea chuan pu a," aite chhinna choh a la ni e, tih leh Khankimsiam lam chu rang taka pan leh in Khankimsiam chu tawlh hnung hret hret pah hian a lo in veng ve zel a, chutah Thlahtea chuan keimah Lusei tlangval zam  ngai lo ka ni ngai e tih leh zuang zawk pah chuan a chhuk sak ngheng mai chu Khankimsiam chuan a kawlhnam chuan lo dangin a khup chuan leichar lai chu a zu nghat chawrh a, a khup chu rawn thip nghal zak in an melh zawk a.



Khankimsiam chu leiah inbin thawkin an in siamrem leh te te a, chu tah ka ni ve aw tih leh Thlahtea lama lim phei chu rualin Thlahtea awm zawnah chuan a kawlhnam chu vai phei puatin Thlahtea chuan lo dang tleuin rangtaka vir zawkin Khankimsiam lo hawi let leh chiah a kawlhnamin hna a duh angin a thawk lo tih hriat taka insiam tum lo hawi let leh chiah chu a bekah hnek ri nghal burin a kaihza chu an tlawh thlep nghal a, chutah a nghawng chu rang taka a kawlhnama chuktuah pah chuan pu a," i nunna hi ka kutah a awm e," i kawlhnam kha paihthla rang rawh an ti thawp sat a.



Khankimsiam chuan Luseipa," i cherang hle mai," ka tlawm e tih pah chuan a kawlhnam chu leicharah chuan an thlak thla bawl mai a, mipuiho chuan mak ti tak mai hian ṭawng chhuah zai pawh rel lo chuan an ngawi ṭhap hlawm a, Thlahtea chuan Khankimsiam beng bulah chuan Pasalṭha," i mi puihna ka mamaqh asin, hetia ka cho na chhan che chu kawng dang a awm hlawl lo a ni tih pah chuan in lalpa hian i nunna pawh hi a ngai hlu lo a ni.




I nun hi ka zuah dawn a, tia a sawilai chuan lalpa chuan Lusei i zo fel dawn nge a nun i zuah dawn an rawn ti chhuak tuarh a, Thlahtea chuan in lalpa thusawi chu i beng khan a hre em an chu maw,, i nunna hlu tak hi ka zuah dawn a kei hi Thlahtea," Murlen pasalṭha kha ka ni e, lal kianga ding khi i chipui sala khalh khawmtu fapa Saihmingliana a nih khi, i puihna beiseia in khua lo lawi lut kan ni e. Tih leh Khankimsiam chu thlah riai riai pah chuan pasalṭha," min hrethiam ang che." Ka haw ngai lo che, thlamuang takin awm rawh an tih chuan Khankimsiam chuan ti khawp hian kan khaw mipui lakah ka thangtlawm tawh zo fel law law rawh an tih chuan Thlahtea chuan hnaih salh pah hian, kan lalpain a lo hmuak reng che a, ramhualah a siam bawk ang che, chu hunṭha chu i kutah a awm reng e an tih chuan Khankimsiam hmel aṭang chuan beiseina thar eng chu hmuh theih khawpin a lo lang chhuak a.



BONUS


KEIZAWNG, RETHEI LEH PA CHHE TAK KA NI. NI MAHSELA LALPA'N MIN NGAIHTUAH ṬHIN.