BUNG 3 NA.
Laiveta leh Saikhama naute'n Ramngaw dur chhah tak paltlanga Ṭiau lui kam an han thlen chuan an khawlam pana kawng an sial riak, mau sep ṭangphel tiat hlam sawm dana pathum leia in vit phun chu phawi in an piah lam chhim lam panna lamah kawng sial in an han vit phun a. Laiveta chuan hmahruaiin zan khawthimin a nan loh awm tawk tur vela khua lut leh turin an theih tawk chu Paite ho bum nan kawng an han sial ta a.
Laiveta chuan ti hian kan let leh ang nga, an hnu hma hi kan theih tawkin kan thup dawn nia. Ti chuan kawr ruama lut chho in Thingse mual lamah kan haw chho ang nga, kan Lalpa in Pharmau( Mau hling nei) chu kan put zawh tawk ṭheuh kan pu haw ang.
Naute u in chau tlang ang tih ka hria, a mah erawh chu kan khua hi Tlang ṭhut mual pangper lai taka awm a nih vangin kan Luseipui khaw dang aiin luh chhuahna a tam zawk zia hi hre reng ang che u. Mahni khaw tana huaisen taka nun chanta te khan mi bik nihna an nei bik a ni lo va, mahni vangkhua him taka kan lenza theihnan keini hi a ni pawimawh ber zawk chu. He lai hmun hi Chhim lam pan na a ni a, kan khua aṭanga ni 4 kal vel ah hian Thaidawn khua a awm a, chungte chu tuna kan hmelma Paihte hnam peng pakhat an ni, kan tan hian an hnawksak em em ṭhin a, Teizangho nen hian kan tan danglamna an awm vak lo.
An piah kawrruam ngaw dur cham durh lam chu kawk in saw mi tlang let liam ah sawn Kan Luseipui, Lal piandenga Lalna ram khaw ṭhut a awm a, kan khua aṭanga ni hnih kal vel a ni thung, a ni sawn Thaidawn Lalpa saw a ti lawm tlat a, Leido nei kan ni tih pawh hria se, kan lam a ṭang dawn lo a ni tih hi kan hriat a ṭha, mahse chikhur hi in ṭawm kan nia, chu chikhur chu kan ram chhunga rin luh deuh zawk mah a ni thung.
Kan vanglai hun a liam ang nga, chumi hunah chuan Khamsang tana ke pena kan khua meivapa a chan phallotute chu nangni hi in la ni dawn a ni, tiin Lengsir khua Teizang Pasalṭha ralhrat khawkheng pathum te chanchin chu sawilan loh rih a ṭha zawk e tiin an ngawi vang vang a.
Kawtchhuaha nula ho chuan Pasalṭha Thangzika nauteho lo chho ṭham ṭham chu mit la sawn lek lo hian an lo thlir ṭhap a, mauthei kenga an chhawlhal lo tulh mawlh mawlh chu an chak zek zek tawh a ni tih hriat tak mai hian an lo phicheng hlawm a.
Lal fanu leh nula dangho chuan hlim nuisang chung hian an tlangvalte chhawlhal chu an han tulh sap sap hlawm a, Thangzika chu Lal fanu chuan melh zak zak pah hian kha kan khaw pasalṭha chu i chhawl a hal tawh awm sia, hei hian i dang han ti hnawng teh le tiin haw lo tih hriat tak mai hian an melh ralh a.
Thangzika chuan hah lah lo ve, kan Lal fanu nge nge i felin i entawntlak mang teh tak e, khaw nge a bang awm lek lo hian a kuang nen lam a mi nen aw tiin an in khawlh khawlh a.
Chutia an Lal fanu leh an khaw pasalṭha Thangzika an han ding dun an han hmuh chuan an lian dun in inhmeh hi an ti hlawm em em mai a, Lal fanu chuan zak deuh si be duh chung si hian U Thangzik, in kalna lam te eng nge chanchin an han tih chuan Thangzika chuan ka rin ai daihin ram a lo dainuam ka ti, in han tawh zawk em tia an zawh chuan Lal fanu chuan khawdang chu lo hawiin an piah ral hla tawka thing ding tau lurh lam chu melh vang vangin eng emaw tak ngaihtuahmuk nei tih hriat ngawih ngawih hian Thangzika zawhna pawh chu a hre chang lo a chha chu a ni e.
Hun leh ni te liam zelin, Khamsangkhuate pawn nunphung danglam pu lem lo chuan ni leh zankhua an chhiar liam ve mek bawk a, Thangzika leh a naute ho chuan ni nga ngawt nunchan an han zir hnu chuan Thangzika mit chu tlungin a hmai chu a uang lek lek ṭhin hial zawk a ni.
Zanriah eikham chuan Tlangaupa chu Thangzika te in a lo lang hlawlin Lalpa in a hmuh duh thu an sawi chuan Thangzika chuan Lalin lam chu a pan nghal a, Laiveta leh Saikhama chu lo ṭhu ran tawh in, Lalpa chuan kan kim ta bawk a, ka koh chhan che u chu hei in hriat leh in hmuh angin Chi kawh tur kan phang ṭan der chu a ni ta mai a, Hmunzau lamah Chi phur tura in liam a ngai dawn a ni, a mah erawh chu in vaia kal a rem dawn lo va, tu ber nge hi kal ang che u? Tia an enkual hnu chuan Thangzika chuan Lalpa kei leh ka nauteho nen kan kal ang nge an tih chuan Lalpa chuan Thangzika en ha pah chuan tu te maw an ti he haw a, Thangzika chuan, Piandenga, Aivela,Zakhama,Dawla leh Thansiama an tih chuan, Lalpa chuan a rilru te te chuan Thangzika hian tu tak chher chhuak ang maw, mahni inring tawk na neia hmala ṭhin a Pasalṭha chu a ngaisangin a pasalṭha te lakah pawh chuan a awmdan chu thup a tumin thup pawh harsa a ti hle a.
Thangzika chuan U Laiveta leh U Saikham chu ka lo awl ang nge, kan thang hlana khua lo hualhimtu ah lo ṭang se, naute kan awm alawm, an tih chuan Lalpa chuan a lu buk nghat nghat pah chuan, aw le, hei hi in hriat hmasak ka duh, thlang kan tlak dawn hian saw Chikhur awmna saw kan khaw ramchinah ka rin lut a, Hmunzawl Lalpa sawn ralthuam leh silai tlem a zawng nena kan Chikhur saw in ṭawn turin min thlenpui ta kha a nia, Hmunzau Lalpa sawn Silai fawng 5 leh Chempui 10 nen remna min siampuia,,saw chikhur saw kan luhchilh dawn a nih chuan Hmunzau Lalpa saw kan biak hmasak a ngai a ni, fimkhur takin va kal ula, tluang takin varṭianah in chhuak mai dawn nia an tih chuan an thurel chu an ti tawp nghal zat a.
Thangzika chuan Zawlbuk pan ta lo chuan Piandenga te in lam chu pan nghalin Paiandenga a zuk hmuh chuan Thangzika chuan tunah in panga khan kan in in lo pankhawm dawn nia an tih chuan Thangzika chu inlamah a haw nghal a.
Thangzika te in a naute panga in an han thlen chuan Thangzika chuan a nuate mizia chu enkual dan danin an mizia leh hawiher chu chik zet hian an ngaihtuah a. Thangzika chuan ka koh chhan che'u chu hei naktuk varṭiana Hmunzau khaw lam pana chi phur tura kan chhuah a ngai dawn a, in ralthuam neih ang ang nen zanthum faisa kengin kawtchhuahah kan in nghakkhawm mai dawn nia an ti dap dap a.
Sawizawm leh in, Kan khaw panna kawng saw, kawngṭum hmun thum lai a awm a, kan fimkhur a ngai a ni, kan khua hualtute hi Paihte hnampeng pahnih an nih avangin Luseiho hi min ngaitheilo hle a, chu avang tak chuan kan tukkhum thleng pawn mit nei se, thihngam lu pu te hmalam panna kawng hi an dal tur a ni lo, kan thinlung hian huaisenna leh tumruhna hi hnuchhawn ngai suh se, kan kal chauh deuh dawn avangin zanin hian in mit chhing hma ula tha tho tak leh zangkhai vahin ke kan pen a ngai a ni tih hi hria ang che u an tih chuan a naute ho chu an mizia an en chuan peihlo hmel reng reng a hmu lo a, thatho na leh phurna in an thinlungah hmun luah tam zawk zia a hmuh chuan a lawm hle a ni.
Duh tawk ang.
No comments:
Post a Comment