BUNG 9 NA.
MUANTEA KHIANGTE.
Hruikhawng ngawpui ṭihbaiawm tak kara Luseiho leh Teizang Pasalṭha te thih ngam lu pu a an han in nuai miah miah mai chuan chu lai ruam ṭihbaiawm tak hmun chu thisen thang rim na tak chuan a luahkhat hneh hle mai le. Zing khawvar tur inṭham chuan an bul vel chu var hmasa mit puarpawleng(Hmuh ruai ruai theih) chin chuan rawn nangchin ṭan mek in Khamsang keite rual chuan an hma lawka in beihna rapthlak tak thleng chu kham lo tih hriat ngawih ngawih leh hliam te nau nei a thin ti chhe tawk lek lo nei ve bawk rawlthar te chu an in sawh an in sawh a.
Laiveta chuan hun reilote chhung liamta khan kan dam khawchhuahna a hril a ni tih kha in man thiam ta a, tunah chuan in mi thah tak te lu vun kha hlep ula, in ip tepuiah khan ak ru le, kan riahbuk sualna hmun hi han luahlum leh tlak a zeng a ni lo ve, an ruang hi hmun khat ah ti hian kan dahkhawm ang nga, kan kalsan ang.
Nuih sak pah hian a naute en ha chung hian kan bulṭanna chauh a la ni e, Chhunhlei, kha hei hi a ṭhat ka ring tih leh a ban puam thler laia an meo chhem a vaivut chu ṭhamin Piandenga chuan an bel sak tawk a, Chhunhleia chuan a ṭha tih engtin nge i hriat? Ka vawikhat hriatna an tih chuan Piandenga chuan a ṭha tih ka hre bik lo, i ngeih takin tih thil thu mai mai a nia an ti sam et mai zawng, a sawizawh rualin Piandenga mawng chu a ri thlawrh nghal a.
Thangzika chu khik suk pah hian ta mai mai ṭhin che'u chuan, khawmaw Chhunhlei ka lo enchiang teh ang, tih leh en an ruala, Chhunhleia chuan U Zik engtham mah a ni lo ve, chaw ei ti tui tawk lek alawm an tih chuan a naute huaisen zia leh nakin zel pawh a, Khamsang tana an pawimawh zia turte chu an ngaihtuah chhuak uarh uarh a.
Ti chuan Runlui lam chu pan thla tlangin Ṭiaupho rualrem lo zet, a biru laiah chuan an han chawl hahdam vang vanga, Chhunhleia khawsa zia chu Laiveta chuan melh leh hrak hrak ṭhin in a ban thi chhuak reh theilo chu an melh leh ralh ṭhin. A tawpa tawpah chuan Chhunhlei, Aivela nen hian kan khawlam in han pan mai dawn em ni ang? I hliam kha enkawl a ngai tlat an tih chuan Chhunhleia chuan U Laivet, haw lah lo ve, a na reng reng hleinem, ka ngaihtuahawm loh,tiin hnuailam an melh kal a.
Laiveta chuan aw le, in thlahruna tur a awm miah lo a nia, an ti leh hram a, Heng rawlthar nuna tlawmngaihna bet tlat nun hian Khamsang khaw nih a va ti nuam dawn chiang em. An hruaitute hian an zir em lah tak a. An che reng reng lah ni se, an Val upa leh an Pasalṭha tr mit a tlungin an in dawm tawn thiamna te chu an fakawm in an,entawn tlak hle reng a ni.
Khua a var chiang ta, leilung pawn Khamsang mihrangvalte pawisawi hlau tak mai chuan an hahchawlhna hmun Tiau lui vawt raih leh thlifim thaw heuh heuh hmun chu rawn en in, ni chhuak eng mawitak chuan tuibur hmuamda awm vel ah a rawn zui ve nghal zat a.
A hliam tuar ber lah chuan fiamthu thawhin Papawnga ṭhukun bu lak lak chu a khupa a kiu a nghah chu an pheh sak zauh a, a sir tluk ta mai, an han nui ho leh dar dar a, a ralmuang tawk thawkhat a ni tih an hriat chuan Thangzika leh Val upa leh Laiveta chu kalhrangin eng emaw hi an han sawi a.
Thangzika chuan an piah Teizang ho hmun khuarna Lengsir khaw panna lam chu kawk va pah hian Ṭiau lui kanna chankhan hi kan dap dawn nge,,kan naute hi fiahnan kan hmang dawn tiin tuipui nu kuk mai chu an thlir vung vung a. Val upa chuan chetsual pawh,awlzaw te, marawh chu in tihdan dan ni teh se, a kanna chankhan rem pawh a awm mial maithei bawk a tia a thinlunga beisei a neihna chu an sawi leh hram a.
Laiveta chuan Thangzika chu melh ralh pah hian, naute u in hrui chhah kha pahnih suih belhbawmin in kawngah nghet a ti hman chiah an chhak a mihring thawm chu hria in an han in saseng nghal vat a. Thangzika chuan a kut ṭang pathum chu ti pir chho in Laivet nangni khan ṭulpik pan vat ru, hun a awm tawh lo tih leh thawm lo chhuah nalamah chuan an lim chho nghal puat a.
Chutah an Lusei puite chuan ṭiaukam chu rawn thleng thla ve nghal zatin an hmaa Tlangval pian thiam tak an Luseipui chempui huma lo ding vang leh rawlthar rual in inring tak mai a, a hnunga in sem darh a an mahni ngun taka lo melh kar te chu an han hmuh thut chuan an phuchiang hle mai le.
Thangzika chuan an zinga an hotupa tih hriat ngawih ngawih, palian leh sek ṭul mai, en reng reng pawh a, a chak thawkhat tih hriat em em ding chu a buai rei lo hle tih a mitmeng zim deuh san aṭang chuan a hriat theih hle mai a.
Chu Pasalṭha tih hriat ngawih ngawih chuan a mit chu len kual ralh ralhin Thangzika te chu rinhlelhna mit chuan an melh leh kal a, chutah, a naute chu a malte te a melh leh in engtiang chiaha a naute chu huaisen leh engtiang chiaha hrual nge an nih ang aw tih chu a thinlung chuan a zir uluk hle a.
Chupa palian ṭha tak leh sek tak, a naka Ranhnuai pasalṭha (Sahrang) hamna lang kalh te chuan a ti pa leh zual hle mai a, a nau paruk te chu melh leh hrek pah chuan chu a mitmeng chuan naute u in ring rengin aw tih hrilh nawn leh an ngai lo tih chu hriat zet mai hian a naute ho paruk chuan an hrechiang hle mai.
Chu pasalṭha chuan Thangzika lamah penkhat an pen hnaih leh chiah chu, Piandenga leh Papawnga chu rawn dawk chhuak zawk in Thangzika hmaah tah chuan an han ding ta chat mai le. Chu pasalṭha, Hualzasela Pasalṭha ralhrat Hualngama mak tih a tling hle nghe nghe a ni.
An ni tlangval tuaitirte pahnih hi at so vanga a hmaa ding an ni lo tih hrechiangtu Thangzika leh Hualngam chuan ṭawng chhuah zai reng an rel lo. Hualngama chuan a mah en kaltu Tlangval tuaitirte pahnih chu ngaihsan rukna a thinlunga lo lang chung chuan an nuih sak a, mit khap leh zawk ṭhina a mah fiah fai fel faka en kaltu pahnih chu en kan in an hnunga Pasalṭha tih hriat ngawih ngawih cher ti dawn ila cher ni si lo, dar hlai hlep hlawp, mitmeng fiah kak, hnar ngul sang lampang, a mah aia sang hret tur chu en in engtiang chiahin nge a naute hi a hrual ang? Tia a ngaihtuah rauh rauh lai chuan, Thangzika chuan aw dam thlap, ngaihnobeina nei si lo, a kam chhuak hnial harsa tak tur hian Piandeng, Papawng kiang rawh u an tih chuan hreh tak chungin an han tawlh hla hret duh chauh a.
Thangzika chuan Khamsang Lal Laldarkhuma khua leh tui te kan ni e, kei hi Khamsang pasalṭha Thangzika ka ni e, buaina zawnga lo kal kan ni lo va, buainain min umzui a nih erawh chuan ṭangphel chin pawh kan tawlh ngai lo an ti dam dap a. Hualngama chuan Leithum Lalhualzasela Pasalṭha Hualngama ka ni e, buaina siam tuma helai hmun hi rawn pan kan ni lo va, buaina erawh englaipawh a hmachhawn in peih reng kan ni thung an ti let ve sak a.
Thangzika chuan chu ti a nih zawng kan tum ram ve ve kan pan a niang chu, an tih chuan Hualngama chuan a lu buk nghat pah hian ni ang hmiang, khawi lam pan tur nge in nih an tih chuan 'Thangzika chuan Lengsir khawlam pan tur kan ni e an tih chuan Hualngama chu a mitmeng danglam nghalin chu kan tum ram a va in ang ve an ti let a. Thangzika chuan nuih sak pah hian kan tihtur erawh a dang thung mai thei asin tih pah a a mitmeng rawn danglam ta chu Hualzasela Pasalṭha ralhrat chuan a hmuh hmaih lo chiang kher mai.
Hualngama chuan lo in ang ta se tiin an zawt let a, Piandenga chuan Kamzarem kha chu ka chanpual an rawn ti chhuak bauh mai zawng, Hualngama chuan a hmaa tlangval tuaitir, sa in phut mawi tak leh hmel fai veng vawng chu ngun takin an thlek a, chu tah, Hualngama chuan nuih sak pah hian tlangval, naupang lawmawm tak i ni e lo kal hnai teh an tih chuan Piandenga chuan pan hnaiin, Piandenga beng bulah, khuanun veng zel che rawh se, a iptepuia pawih kawlhnam sei rek ruak a ah chu an pe ta a.
Hualngama chuan sawi chhunzawmin, an nula feh kawnga, saruak ngal ngata thi a an hmuh dan leh Kawlhnam Piandenga a pek tak chu an chhar dan te, Lengsir Paihte ho an nih a rin thu te chu an sawi chhuak ta a.
Duhtawk ang.
No comments:
Post a Comment