Van mite u, zahngai, zahngai, ka dam a lawm le, kan hun kal ta, liam ta te kha kan dawnkir changin thla eng hnuaiah mi te hriat hlau tak chungin kan ṭap ru ve fo ṭhin.
Ka hmangaih tia thinlunga in zawmna thuk tak kan neihpuite khan ka hmangaih che ti chung reng siin mi pa dang/ hmeichhe dang sms a reply a, hlimreng tura min duhtu khan kan thinlungah ser min phum sak lawi si.
A then te chu ui tak chunga kan thlahliam a ngai a, van chungsanga hmuh theiha en na pechhuaktute khian min hnem a hnekin ṭahna min thlentir a. Beiseina chhe te kan neih chhemalh tura kan kawppui ten hun lo takin leithuah thim hnuaiah kirzairel ngai tawh lo turin min mangṭha leh si.
Eng nga ti bik nge tiin Lalpa chhanna nghaka in khawngaihna nun nen khawvel eng kan thlir ve bek bek a, kan chanchin ṭha lo lai kan mi rin ber ten veng dangah copy tam tam an lo sem chhuak leh si.
Duhthlanna lamtluang zawh a, mahni nun hlimna umtute hi ka dem ta hauh lo, zalenna dar an khawngri ve duh miau sia lawm le.
Kan rawl lai D ten tunah zet chuan khiangawiin fanau maltluang chawiin chhungkaw duhawm tak an din, dam sen lul na na na chu intawn leh ni khuanun a herchhuah tira, chu hun zet chu a ni hrehawm kan tih a, hrehawm ṭawngkam pawn a sawifiah thiam phak ngai loh hun hrehawm chu.
I damṭha maw? Tia let leh ngai tawh lo tur kutsuih chibai in buk tawn in, hei hi ka fa u zawk a nia. Hei hi kan nu/ kan pa a nia, tia nghilh theih lo hun liamta te mitthla chhuakin kan ni hman tluang kal lai tawp vek khawp in nih phawt aw hlim reng ang che tiin kan kalsan.
Hlim reng tura kan duhte kha thikna thinlung pu in kei nen ni zawk i la aw tia a liam tur enzui vawng vawng chungin an lenna vangkhua/ veng kan suangtuah a.
Biang aṭanga mittui luang chu kutzungṭangin a nuaibo mai ṭhin a, lei a a tlak thleng nghaktu chuan a tuarnat zia a lantir ṭhin.
Hei ngei hi a ni Hringnun hlimthla ral tawh ang nga kan ngaih, kan thinlunga dai tawh ngai lo tur Mit aṭanga Mittui luan chhuah tir fo tu chu.
No comments:
Post a Comment