PÛMAH MI LU. BUNG 42- NA.

PÛMAH MI LU.

BUNG 42- NA.


Lentlang lal tuala Lentlang valrualten thawklehkhata an khaw in kang hluah hluah chu rilruna taka thlir tlawk tlawkin khawi khua leh tui te nge ni ang aw tiin lalin chhunga ral ho chu hriatchian tum chuan lalin chu an rawn hnaih zual sauh sauh a.



Nu leh naupang lungngaia lungchhe van vawra ṭap rawih rawihte chuan vanlam hawi zawnga an in kang khu zam chho nguai nguai chu an thlir tlawk tlawk a. Lalin chhunga mihrangval pasarihte chuan lal chhungkua chu phuar hlawmin an silai cheng chu kau ri rap hlawmin lal leihkasang chu an rawn chuangkai a.



Chutah leh an lal fanu lo chhanhim tawh tu Saihmingliana chu rawn pen chhuak in Lentlang tlangvalten an han hmu zet mai chu mak ti tak leh phawk hra hian thinrim ru tak chung si in an thlir tlawk tlawk a.



Saihmingliana chuan vin ṭhat hian tumah kha rawn hnai tawh suh u. Ka ngenmu dawnga pialral kawngzawh duh in awmte a nih loh chuan , hei hi phuba lakna a nih hi. In pasalṭhate khan tim na pawh nei hauh loin kan in leh lo min halsak a, pawisawilo nunna hlu tak an la bawk a, mahni Luseipuite laka zahngaihna tlachham khua lakah zawl kan dawh bikna tur ka hre lo ve an ti a.



Chutah Lentlang khuaa an pasalṭha ve ber niawma mawi hian that vek rawh u hei hi ka thupek a ni e an rawn tih chuan tlangvalho chuan rawn hnaih leh in an rawn hual ṭan leh ṭham ṭham a, chu ve leh a lo hnai ho mipannga te chu lal tualah chuan an thal leh ta hual hual hlawm a. Hmanhmawh takin Saia te chuan an silai zen leh a mu an han thun leh a.



An hotupa ber lah chuan atso zel in a naute ho chu hnaih turin a la rawn fuih sauh sauh a.



KIR LEH LAWK ANG


Khatia khawthum ṭangrualin Thantlang an run khan an tlangvalte leh pasalṭhate an chan nual a, Mualnuam, Murlen , Thantlang leh Lentlang khuaah te hian raldo tham tlangval pawh an awm mumal tawh lo kan tih tawh kha.



Saia chuan at so duh in la awmcheu a ni maw tih leh a silai hmehpuah an rual a, an hruaitupa thinhnunah tak chuan a ngenmu a va chhung ta siah mai le. Lentlang tlangvalte chuan hnaih ṭha ngam tawh lovin an hnungtawlh san hret hret a. Saia chuan kan ngenmu hi a thlawna luanral chi a ni lo va, chu vang chuan min rawn umlet tham an la awm tlat mai, tuman in tum kha hlah hauh suh ang che u tih leh silai chu a rual deuh thawin vawiruk an puak leh zet chu Lentlang tlangvalte chu an tlu leh phak phak hlawm a.



Silai lah Lentlang khuate hian sawmhnih pawh an kawl tling lo kan tih tawh kha.


A dam mi sawm leh pahnih te zingah chuan silai fung pathum chiah an hum nen leiah ṭhingṭhi in an in pe ta nge nge a. Chu ve leh, Saia chuan an pasalṭhate khan kan unau inpe ta te pawh zah a hnekin an lu an tan sak kha tih leh silai hmetpuak rual leh in an kahhlum bang panga te chu timna tel hauh lovin an lu an tan sak a.



Nunau leh tar leh naupangte chuan an tlangval mang ṭhak ho ruang chu rilruna takin an ṭah khum rawih rawih a. Lal tualah khawmin nula ho chu a hrangin an han awmkhawm tir a. Lentlang lal fanu Thangzuali chu Saia chuan an phuarna phelhsak in zanriah an buatsaih tir a.



Lalpa leh lalnu chuan rilruna takin an huntawn mek chu suangtuah chungin an kun ta tlawk tlawk mai a. Zinga chuan lalpa chu rumal a melh pah hian i fapa ruahmanna tenawm tak vanga mahni Luseipuiten an tawrh nasatzia hi khawkhat lal ve meuh chuan i chhut pha em ang chu maw an tih khum sak a.



Chutah Zasira chuan Lentlang khaw nula hmelṭha ve tak pahnih hi lalin chhungah chuan tawn nawr lutin lal fanu eirel buaipui chu pui turin an tinghal zat a. Chumite pahnih chuan an chunga thil lo la thleng zel dan tur chu hlauthawng tak leh khur ru bauh bauh chung chuan lal fanu chu an han pui a.



Zanriah leng haw ar khuan hun awm velah chuan puat takin an ei a, chutah le, Saia chuan lal thisenkai te erawh an zahawmna kan khawih chingpen sak lo vang. Zasir," dan cheu ka tum lo," an tih zauh chuan Zasira nula rawp leh an khaw nula pawh vawitam lo zen tawhtu chuan nula pakhat chu khumpui lamah nawr pheiin chu nula chu ṭan tak te hian a ṭanga, mahse a ni ang buanchak Zasira tha kal leh rawp chu dan ngaihna a awm lo a ni.



Khumpui lama nula mangang au ri chuan ngaihthlak pawh a hrehawm duh hle ta ve ang. Ka duh lo, khawngaihin min khawih suh tia a auna chuan awmzia a neih tam tir lo hle mai le. Tap enga lal fanu leh nula pakhat lo inkuah chawih chawih chu Saia chuan tih thlabar chak tak mai hian in hun a thleng ve ṭep tawh e tihpah chuan Lunga chu an melh ralh a.



Zasira chuan ṭang ṭang lo mai teh khai, ka duh chu ka hmu dawn tho tih leh a malpuia chum ngheng an rual mai chu chu nula chu a zal ta raih raih mai a. Chutah ui ka duh lo, a na lutuk tih pah chuan a rawn ṭap chhuak a. Rei mawi tawk an suk loh loh hnu chuan thlantla hluam chung hian a rawn chhuak a. Lunga lah a mipatna lo tho kang ur in lal fanu bula ṭhu chu phih tho lawp in khumpui lam an pan pui ve nghal a.



Lunga chuan chunu chu vau nghal hmakin ṭan la lo turin leh ṭha taka awm turin an ti a. Chu nula chu rilruna takin Lunga khawih ang ang chuan a awm ta tawp mai a. Chutah saruak ngal ngata phelh ruakin a malpui pahnih chu an tih kak sak a chutah leh a fan ngai loh ramnuam a chengin a la dai ngai loh hmun a dai ve ta.



Chu zan lungngaihna in thla a zar zan  chuan a ṭhen tan nawmna vawrtawp a tling hial ta ve ang. Zasira leh Lunga chuan zankhua ṭhata nawm an chen hnu chuan an ke pen pawh a rit ta nalh mai le. Nula khawngaihthlak tak pahnih lah che peih i khaw lo in saruak ngal ngat hian khumpui lamah an mu kawm ngal a.



An taksa chauin hah hle dun mahse an thinlung leh ngaihtuahna erawh a fim kar in an harh kar mai a. An chunga thleng te chu mang lamah pawh an man phak va ni suh. An rilruna chu an biangah mittui a rawn luang chhuak ngiai ngiai a.



Mihrangval pasarihte chuan Lentlang khua chu chhuahsan turin an in buatsaiha Saia chuan an lalpa lam haqi pah chuan a hma kha chuan unau ang maia in enin hlim takin kan in tlawhpawh ṭhin. I fapa nikhua loh vanga tiang hi thleng a ni tih hi i lo chhut thiam dawn nia.



Murlen khua kan pan leh dawn a, tunah hian rallak thil hlu engmah kan la lo vang. Silai erawh kan kawpkim ṭheuh kan hawn ang. Kan tawrh hnu hrehawm tamtak i tuar ang nga, natna chuan a umzui reng tawh ang che. I khua leh tui tana ke pentute khua i hal a, a tawp chu hei hi a ni. Kan unaute thlarau a chawlh hma loh zawng ke kan pen zel dawn a, i khua kan suasam ang chiah hian Murlen leh Mualnuam khua kan suasam ve ang.



Mahni Luseipuite laka zahngaihna lantir ngai lo tu hnenah insawifiah a ṭul kher lo va, i ka aṭanga dawn lah kan benkhawn hek lo vang. Thantlang pasalṭhate pawisawi hlauhawmzia i man thiam ve chek ang chu. Ti khan i duh duh khua bel ta che tiin kawng laka an ei tur an khawm fel hnu chuan Ding leh ngai tawh lo tur Lentlang khua chu an chhuahsan ta a.



Saia chuan ti hian pumpelh lam zawh kher ngai lo se. Dam dapin kalzai kan rel ang. Murlen khua kan pan leh ang nga, an ni pawh sawn pasalṭha huaisen hruaitu an nei tawh hauh lo a, hlauhthawnna in an tisaah hmun a chang tam ta ve ang. Hun kal tawh chu hun kal tawh a ni a, tih danglam theih a ni tawh lo. Tun hunṭha hi a ni kan bawh hun tur chu. Zasira leh Lunga khan hma han hruai teh u an ti kher chu an nui chhuak hak hlawm a.



DUH TAWK ANG.