HNEHTU NGAWICHAWI. BUNG35- NA.

..

HNEHTU NGAWICHAWI


BUNG 35- NA.



Mualsei khua chu inding mumal pawh awm tawh hek lo le. Tuaka chuan Sawia," eng tianga hma han lak chi nge ni ang?An tlangvalte lah chuan an bik bo san tawh bawk nen, chhum lei vak pawn khua rawn tuam ṭanin lei lunga lah a rawn lang ṭan ta der mai bawk si a," tukṭhuan eikhamah kan chhuah nghal mai hi a ṭha lo'ng maw? Tiin an zawt a.



Sawia chuan," U Zacheua hian hma han sawn deuh se," hlangah zawnin khua hi kan chhuahsan dawn nia. Sal kan chhawn zawh tawk tur kan hruai haw ang. Ti khawpa kan chunga chhiatna duhtu te chungah zahngaihna kan lantir bikna tur a awm lo ve. Tuaka," midang kha han bek bawr la," an sal duhzawng tlantir ang che tiin lalin chhung lamah chuan an luh san nghal a.



Zacheua chuan nuih sak pah hian a teuh ther ther teh mang e a, suangtuahna pawh a vakthui hman hle mai ka ti. Ka vaibel hi han la kai ula min han tung ṭhu teh u kha. Ka hnungzang tihrawl te hi ngai kan awh tir leh ang nge tiin a darhliam chu hup deuh ṭat chung chuan insiamrem an tum nghal a.



Tuaka chuan,"i hliam khan zual lam a pan ang nge," thingnawifawm thuawih thei tak awm khan awm mai ta la, tiin fimkhur tak chung chuan lalin bang dap ngheng chuan an ṭhut ṭhat tir a.



Lal tuala naupang leh putar leh nutar te chu hmunkhatah dah in nula ho chu an han phuar ta mawlh mawlh mai a, chung Mualsei nula te chuan an chunga thli thleng tur chu hrilh kher ngai lovin an hre nameuh mai le. An biang aṭanga mittui lo luang chhuak in an han ṭap ngawih ngawih hlawm a. Lal fanu te pahnih hnenah chuan Tuaka chuan," kan tukṭhuan tur hi buaipui nghal rawh u," tukṭhuan eikham ve leh inkhua hi kan chumhuahsan ang.



Kawhmawh bawl zawnga in khawsak vaih chuan in chunga thleng tur chu zawlbuk lai aiin a nep chuang hlek lovang an ti a, kil khat aṭanga hliam tuar awm pawh a lang duh hauh lo Zacheua chuan Tuaka chu melh rulh pah hian," an ti tuai lah chu an ba ek ngo puak roh a, chhungpuinu ka sit ta rum rum mai zu nia, tiin an nui suk a.


Tuaka lah pek chuan," i kham khawp zan lungawina tur i kutah kan hlan ngei ang che." Kei leh i naute ho hian i kuang bang kan lo chang ang nge. Khu pui," U Rithanga pawh a phur surh surh hle mai ka ti." A mi hauh a pe na vei fu ang le."



U Zacheu," in lal fapa rilru sukthlek hi eng nge ni ang le? Kan tum thuhmunna piahlamah hian rulru dang a pu mai lo'ng maw? Tiin an zawt a." Zachuea chuan,"pu lah lo ve," Vawmuaia kianga puitling chhuak tawh chuan aia upa dahpawimawhna a nei lian hle ang. Kan lal fapa hian ral lak thil hlu chu a la duh dawn hauh lova, a mah erawh chu a thang ṭhat nan sal erawh a hawn ve ngei ka ring. Ka tlangvalte erawh khu chuan an nuna an vawikhat tawnna tur a ni dawn a, an phur hle ang tiin an khi huia a.



Eitur awm ang anga tukṭhuan an han bar hnu chuan mihrangvalte chuan sal nula sawm leh pariat lai hruaiin an khaw lam an pan dawn ta. Chutia an fanu duatlai sala an han awm mai tur chu an ngai thiam thei lo chu a ni e. Vaivuta an lu phul kual in thinlung rum chungin an ṭap hawm hawm a. Sal nula te lah chuan an chhungte lam chu hawi let in an biangah mittui a luang chhuak zung zung ve mek bawk a.



Zacheua lah chuan chutia hlang chunga zawn an ngai ta chu a zah rual rualin hrehawm a ti hle bawk a. Khawkar kawngah chuan zankhat riak in chu zan khawthim chhah takin kawrkam zawl laia mihrangvalte leh sal nula ho chu tuam ṭanin buk lianṭha hem hawm tak sa in buk kiangah chuan meipui an han chhep eng hluah a.



Nakinah chuan sal zinga hmel eng ve tak mai pakhat hian inthiar a duh thu a rawn sawi sap a. Sawia chuan," Ralthankhuma a bula ṭhu chu nghawk zauh hian i va hruai lawk mai dawn em ni? I duh thal in i chhe thei ang an ti suk a." Ralrhankhuma lah pek chuan a vawikhatna atan a zawngchhang tlak viau dawn nge dawn lo kan fiah ang nge tih pah chuan ramhlui fei tak chu a sahmim aṭanga phawrh chhuak in chunu banah chuan an hling nghal zat a.



Chu nu chuan tlangval la naupang tak chu melh kar chung hian," khawngaih takin ka chungah engthlimah ti suh aw," ti chuan i sal rinawm tak ka ni ang an ti tham chhal a. Ralthankhuma chuan," kal mai mai teh," ka tihturah i mi hrilh ka ngai lo ve. Mei engin a chhun phak lohna lamah chuan a nawr phei dawt dawt a.



Chutah le a in thiar zo lo ding chhuak leh chiah chu Ralthankhuma chuan a kawlhnam chuan a nghawng chu chuktuah nghal zat in, thawm chhuah suh. I chhuah vaih chuan i lu hi ka tan nghal ang tiin chu nula hmel la naupang tak chu bawh tlu nghal in a puan bih chu an pawt phelh nghal sawk sawk a.



Chu nula chuan hlau takin a lu chu thle tawn chhen in ka duh lo, ka duh lo, khawngaihin zahngai zahngai tiin han sawi ve sa teh mah se, awmzia a awm lem lo kher mai. Thih la hlau si chupa sual tupa Lusei pa chuan a thah hlau bawk si chu a bianga mittui luang ngiai ngiai chung chuan a khawih ang ang chuan a dawh tawp mai a.


Ralthankhuma chuan a duh tawk a ngah hnu chuan buk tual lam chu pab in chutia a hmeichhe chhawm kun chal chung leh a sam vela hnahthel kai luai an hmuh chuan a chunga thlen tur awm ang chu midangho chuan an lo hrethiam a. Sal nula ho chuan a hma ai mah chuan Lusei ho chu an ṭih ta takzet zet a ni.




Tuaka chuan nuih sak pah hian," mipa fa chuan a tihtur dik tak a ti mai ṭhin," zanin hun kan hmang mek hi in tan thiangzau zan ni se, kan thinlunga zan chhinchhiah tlak ni turin chet in thawh thei ang tiin sal zinga a nula hmel duhzawng awm chu melh ran pah hian thawh pah hian an pan chheu chheu mai zawng. Lusei tlangvalte chuan rawn zui nghal zat in chu zan khawthim chhah takin a tuam mek kawr ruama Sal nula an thlunbeh te chuan hlauin nasa takin an awrawl an chhuah chuah chuah mai a.



Chutah, Bulthanga chuan ka tal vei e ti in tih chu le tih leh a bek ah chuan hnek siah in an beng leh ṭhuai mai zawng, chu nula chu che chang ngam lovin Bulthanga khawih ang ang chuan a dawh ta tawp mai a. Chu zan Sal nula te tana zan lungngaihthlak chu Lusei mihrangvalte tan chuan zan chhinchhiah tlak a ni thung lawi si.


Mahni khaw chhan nan leh phuba laknan chuan engpawh tih a ṭul fo ṭhin a ni tih chu an thinlungah bet tlatin zaidamna nun neih hian kawngro a su lo fo ṭhin a ni tih nen chuan an thinlunga thlunzawm tlat in chu zan chu am takin hun an hmang a.



Zingkhua a lo var," tlangval la ngailo te ke pen chu a ṭhum in an che a sawt lo hle mai le. Zan lama Luaei tlangvalte chet thawh vang te pawh a ni mahna le.



Tukṭhuan puar taka an han eikham chuan Khamsang khaw lam chu an han pan leh ta a. Tlailam fehrehsan hun awm velah chuan Khamsang khua chu an han lut a. Khaq mipui la dam awmchhun te chuan chutia Sal nula ṭhahnem tak nena khua an lo luh chuan Khamsang khaw nula ho chu an lo hlauthawng ve em em mai a.



Tuaka chuan an lal fanu Chamreii hlim hmelpu sarh a an hmu leh chu a lawm hle mai. Sawia chuan," ti hian thlan han dia se. U Zacheua hi khual khuaa rei han champui chi a ni lo nen khawlam kan pan nghal mai a niang chu an tih chuan an thu chu a lo rual tlang bawk a, kawng laka an ei tur ṭhahnem tak chu Salte chuan em a phurh sakin Leitlang khua leh Murlen khua an pan dawn ta a.




Khawkar kawngah zan khat an han tiah leh chuan Lentlang leh Murlen khaw in rina chu an thleng ta der mai le. Ti chuan inremna thluthlung nghet taka vawng chhunzawm zel turin an sal hawn te chu insem in an in ṭhen ta a.



Murlen pasalṭhate chuan an ral thah beng leh luvun te leh Mualsei lalpa lu chu an lal hmaah an han dah a. Lalpa chuan a fanu chu duat taka kuah vawng vawng chung chuan ka pasalṭhate ka chawimawina ni atan awllen lai ni se. Ranli kim ngeiin hlawhtlina nopui dawm chungin khawtlangin ruai kan buatsaih ang.



Mualsei lalpa lu hi ka pasalṭhate u Pumah va dah ula, naktuk tukṭhuan eilhamah a lu hi diriam takin ka lam ang nga. Malchaw ka pe ang. Intin in artui lo chhum se, ral lak thil hlu hi ka khua leh tuia nunchan te kan sem ang nga, senu fa man hu an kut ah kan hlan ngei bawk ang. An silai erawh hi chuan ka lalin mawi se, sal erawh pahnih hian ka lung dam se. Thawkmawh chhungte tan ni se. Nangni ka pasalṭhate u, ka khaw daingul ni chhunzawm zel turin veng hmawr lamah awmhmun khuar ula, in lian ṭha hem hawm tak in tan kan sa ang nga.



In lam leh lo lama che atan Sal nula pangnga i kawl bawk ang. Chu chuan nasa takin a chhawk zangkhai che u ang nga, in zavai hian fathang ka awl che u ang nga, ranhual erawh, hmeithai chhungte'n an chang thung ang. Ngai kan awh leh hunah chuan kan Lusei pui khuaah kal in ral lak thil hlu te hian sial nufa kan thleng ang.



Murlen khua hi tlangkam aṭangin an rawn thlir ang nga, ka ropuizia leh ka pasalṭhate chak zia hi an rawn hmu ang. Kan sal kaql avanga min rawn nek duhna thinlungpu tam tak an la rawn chhuak dawn a, kan Luseipuo khua te kan be chhe tur a ni lovang.


Tunah chuan Leido nei thei dinhmunah kan ding lova, kan duh kan hlen chhuahna kawngah chet kan thawh mai chauh a ni. Tunah chuan rilru thar leh thinlung hmunkhatpu in hmalam kan pan tawh ang. Kan sal te hian chaw kawpuar an pai reng tur a ni a, ti duhdah hauh lovin an chungah zah kan ngaitlang dawn nia. Khaw mi leh sa pawn sal chhinchhiahna pu mahse, hmusitna anka an chhak chhuak tur a ni lo tiin thu an ti tawp nghal a.


Hun leh ni te liam ve zel in, Sawia leh Thlahtea leh Bulthanga leh Ṭhasiama te chu inkhatah khawsa ho in sal nula te chu tlangnel taka an aqm theihnan an be ve bawrh bawrh bawk a. Mahse Sal nula ho chu an ngam thei lo chu a ni e. An nulat thianghlimna Lusei laka an han hloh chu ngaithiam thei lovin an ṭap ru nitin fova, Bulthanga sual nu lah chu a lo ruak lo nen, a ma tawkah lah a dul lah chu a kawh kiar ve lang tawh mai si. Fiam a hlawh in tawi tak hian a khi ve hui zel a.



Murlen khua chu tunah chuan in za nufa lek an ni ta, chuti chung chuan an in lungrual em em a, a tukin chhungtin te chu an awmthei phian bawk nen. Khawdang awt em em lo chuan nitin hun an chhiar liam ve mek bawk a.



Ṭiau lui ral khua," Lungmawi khaw lalpa chuan Chhimbal a zam hun hi kan tana chet lakna hunṭha a ni a," che chhuak turin funpui khawtlangin kan er ang.



Zachim," himdam taka an hmel hmai ka hnam peng, sala an hruaite chu ka hmu duh a ni." Murlen pasalṭhate lu hian ka lalin hi an mawi kim vek tur a ni. Dalsuankhan leh Kawlngena hian ka tlangvalte mi sawmnga ho se. Nangin sawmsarih ho ang che. A pawng a puia basa ngam chi an ni dawn hauh lova, fimkhur takin in che chhuak dawn nia an ti a.



Zachima chuan an lalpa chu melh khui chung hian," Lusei ho hian an dawl let loh tur thilpawi an khawih a ni. Lalpa," theihtawp ka chhuah ang nga, ka theihtawp piahlam erawh min beisei suh ang che tiin lalin chu an chhuahsan nghal a.


Duhtawk ang.