THIM ZINGAH PAWH KIR AN REL LO. BUNG 5- NA.

THIM ZINGAH PAWH KIR AN REL LO.

BUNG 5-NA.

Darphawka leh a naû te'n khua an han luh leh chuan ngaihloh lam lamah an ngai palh ang nge, hei thlasik khawvat kan hmachhawn dawn bawk nen thla lah a eng tho bawk a in meichher kha ti mit ula zawlbuk lam kan pan mai dawn nia an ti a.

Zawlbuk tuala tlangvalho meipui chheh hnungpuak a lo ṭhu far te chuan an khaw pasalṭha Darphawka leh a nau te pathum an han hmuh chuan chik zet hian an mit chuan an lo melh ding ngar hlawm a, Darphawka chuan mei hnungpuaka tlangval pakhat lo ṭhu zatual a chu biain Zatuala chuan u Darphawk i hliam pa pawh kan bawlpu in a enkawl mek a ngaihtuahawm a ni hran lo ve, tih leh Laiphawka melh ralh pah chuan Sialkal lal fapa pawn ngai a awh leh tawh e an tih chuan Darphawka chuan a nau chu nghawk zauh pah hian i tih tur i hriat kha tih leh min zui rawh tih thu sawi pah chuan Zawlbuk bawhbel chu an bawh liam nghal zat a.

Chalruma chuan Darzep pasalṭha chu chiang taka lo en in an lo nuih sak a, Chalruma chuan tlangval i mi ngaihdamna ka dil e tiin ṭhuawn diai chung chuan a kut an phar chhuak hu a, Darphawka chuan kun chunga a kut lo man pah chuan ngaihdam ngaiin i awm lo ve, tiin an lal fapa chu an en a, Darphawka chuan Laiphawka chu melh ralh pah hian ngaihdam dil tur chuan an ti zui nghal zat a.

Laiphawka chuan Sialkal lal fapa hnenah chuan ngaihdam an dil ve hnu chuan buaina in hma hruai mahse, pasalṭha nun tema hmahun thui tak thlirtu avanga khaw hnih nui sang chunga in lungrualna chuan lungawina tlangah thlifim dawngza turin inremna kutsuih chibai an in buk tawn ta a.

Leithum lalpa chuan a pasalṭha kualkai thang ve hat khawpa an sawi Chullova chu melh tur khai chung hian tlema tlemah ka pasalṭha ka chan ṭep che zu nia, i kuang lo chin pelin ti nge i duhthlanna in i kal? I lal ka ni lovem ni? Ramri pelin kal zai i rel a, i thil tih avanga min zuamawm tur zia hi i man pha hauh lo em ni? Tiin diara a kaihza tuam pawn luk chu an melh zawk a.

Leithum pasalṭha Thlahlova chuan a aihnahphah pui pa chu mit sir leh ralh ṭhin a ngaihtuahna erawh Darphawka hmai hmel hmangah a riak tlat thung lawi si. Eng ang fakaua chak leh ṭuan ṭha ni ang maw? Tiin tawn ngei a chak thu chuan a thinlungah hmun a chang lian hle a.

Zing nichhuak engmawi tak chuan Darzep khawtual chu en in chhum lei vak a khat tawka thli beng zawnga lo thleh leh hak ṭhin te, thlasik rim thiang tak pangti rawn ti bawl te chuan an hmaa thlasik na tak an tawk dawn a ni tih chu an hai lo hlawm hle mai le. Darphawka leh Chawngzika chuan lalin chu pan dingin luh an han dil chuan lal fapa rawlthar lal thlah pawh hriat mang lo khawpa taksa pan lam tak, a mitmeng fiah fai fel fak, eiṭha ei tih pawh hriat loh khawpa hmel dawldang deuh lap chuan K'u Darphawka te lah ni reng chuan kha ka pa pawn meihnung a puak tawh kha a rem lai laiah khan in mawng lo hung ve ru tiin an lo be luam a.

Lal fapa Vungtuala hi mi mak sak tak niin rual a pawl tlem bik em em a, dai hnai bak hi a thleng ngai lo a ni. Zanlaia a muhil te hi a awm hi a sep leh dawrh dawrh ṭhin a, a chhan an zawh a piang hian a thauah mantu awmin a khur ti tih fo ṭhin a ni. Lalpa leh lal chhungkua, khawnbawl chen hian ngaiah an neih tawh a ni. Thlasik vawikhat tuar leh ta se zawlbuk mawi rual chu a ni ve reng tawh nghe nghe.

Lalpa chuan e khai in va hma ve Val upa Zakhama ho in in liam a niang chu, buaina neuh neuh tawk reng kan nih avang hian in tukkhum pawh khan mit nei se, ṭul lo ah tha in seng tur a ni lo. Nakin atan tiin fim takin in khek dawn nia. Sesih mual saw ka pa lo bawh ram ka chhawm a ni a, ka thisen zawm hian pialral ka kai thleng pawn an lo chhawm nung zel tur a ni tih hi Leithum lalpa hnenah in thlen dawn nia. A ni lo zawng bawka ṭawngka an chhak chhuak leh a nih chuan in nun him nan a hnungtawlh zawk ah in ṭang dawn nia, tawlh hun a awm a, bawh hun a awm tih kha in thinlung khan hrereng u la, in chengrang leh in mi lu lak chem kha in ban khan hlat ngai suh se him dam takin in lo let dawn nia an ti a.

Tap lama ngawi renga lalpa thu vei vuak lo ngaithlaa chiang taka Darphawka melh rengtu lal fap Vungtuala chuan hmaih a nei lo hle mai le. Darphawka'n a va melh zawk lai chuan chiang fahran hian a ni pawn a lo melh ve mek bawk a.

Nuih sak pah hian lal fapa harsatna chu Darphawka chuan tih kian sak tum tak mai hian lal fapa, ka rualin i lo kal ve duh em an tih chuan midangho chuan lal fapa leh an pasalṭha chu an lo melh tawn zak zak a.

Lalin banglaia chengrang in thiat chu a ni lal fapa chuan a melh daih ni. A mize mak tak leh ṭawng tlem tak aṭanga a ka ang chuan ti hian a rawn phuh chhuak ta a, K'u Darphawk duh tehreng mai i kiangah chuan ka him dawn tih ka in hria, a pa lam en ha pah chuan banglaia chengrang chu an kawk va a, lalpa chuan chutia a fapa mize rawn in thlak thut a hmuh chuan lawm avangin a mittui a tling pam thei hial a ni.

Lalpa chuan he mi hun hi a lawm ka lo nghah ṭhin chu Darphawk i kut ah ka dah e, Vungtuala nu sarep kha ipte puiah khung la, i fapa hian pasalṭha hnung a zui dawn e tiin phur tak mai chuan a mawnghunna a ta an ding hluai a. Lalnu chuan ner nang hian mi te tan hnawksak mai mai ah a chang reu reu ang ka ti, tih loh loh hian a phurna ṭawngka lah hi in lo chhak chhuak zauh pek a tiin an phun hlak a.

Lalpa chuan mai mai ṭhin a, saltanna a ta zalenna dar a khawngri tur hi lawm tak a ruanga a thim zawnga i thlir pui te chuan engti khaw tikah mah i fapa hian salu hi ka lalin a mawi ngai hek lovang, an ngawi dat a, Darphawka hnenah chuan hmeichhe thudawn chu mi pa fa mi pa chuan menah an thlak ngai e ka ho ngei hian kawtchhuah lam i han maqi tlang teh ang u hmiang tiin an tho tharh a.

Lalnu chuan a rilru kawm pah chuan lalin leihka sang a pasalṭha ten an han rah rik meuh chuan hmanhmawh taka umzui chung chuan Darphawka bana va vawn chat pah chuan ka fapa neihchhun a ni tih hi theihnghilh ngai suh ang che ka pasalṭha tiin a thinlung chhunga hlauhthawnna lo lang mitmeng chuan an en kal a.

Darphawka chuan lalnu, a tan ka nun hi ka hlan huam asin, ka kut ah dah ngam la a bak chu ka mawhphurhna tiin chiang tak mai hian an en kal a.

Thim zingah pawh kir rel lo pasalṭha chuan hma hruaiin khaw mipuite chuan an lalpa leh lal fapa chengrang bat a, pheikhai zang taka kawtchhuah lam pan te chu an en duh in an hmu duh hle mai le. Laiphawka chuan lalpa chu mitsir relh relh pah chuan a u hnungah chuan an riat nawi vel mai mai a, chu tak chu lalpa chuan hmu in Laiphawka chu huiin a lama kal tur chuan an hui lauh lauh a.

Lalpa bul a thlen chuan lalpa chuan a mitmeng fiah fai fel fak a melh kal pah chuan ka pasalṭha, i chenrang aw rawl nghakin ka lo nghak reng ang che, ka duhsak zia che entirnan vawikhat leh chiah aw tiin na lo te hian nuo sun sun chung hian a hmaiah an beng  ri leh thlawp a.

Laiphawka chuan hrethiam tak mai hian, lal fapa en zauh pah chuan lalpa ka tihsualah ngaihdam ka dil naqn leh che, tunah chuan a sual ngai tawh lovang tih hi lei leh van kawk in i hmaah chhia ka chham e an tih zet chuan lalpa chuan i damni kum sei se, sapui leh ral hmaah i hming lam in ka lalna khua ka la vel chhuak ang tiin an beng thak thak a.

Lo hmutu te chuan a ngaihna hre hauh lo chuan an lo en kal hlawm a. Siampuii chuan an leihka sang aṭang chuan Darphawka chu lo mel kal chung hian a ban an lo vai lap lap a, lal fapa chuan Darphawka nghawk zauh pah chuan in tlangthang nasa tawh sia i zen tawh chiang mai an tih meuh chuan an nui dar dar hlawm a.

Val upa chuan hma hruaiin pualrang tlang an han thleng a, Darphawka melh ralh pah chuan kawng ṭum pahnih zawh tur awm chu khawi zawk nge kan zawh ang tiin a mit chuan an zawt a, Darphawka chuan val upa lam chu hawiin ṭiau lui lam panna chu kawh zauh pah hian Vungtuala nen hnu kan lo dawl ang nge zanthum riah ngai kan nia in lo in buatsaih mai dawn nia an tih chuan val upa chuan hrethiam tak mai hian a lu an bu nghat a.

Thui fe an kal hnu chuan Darphawka chuan lal fapa Vungtuala hnenah chuan an hnu an hnutchhiah dawn tho ṭhu thlandai lawk ang tiin an bul lawk a sawntlung pawngah chuan ṭhut  hmun an rempui a.

Darphawka chuan ngun leh chik zet a en ha pah chuan a chanchin a lo hriat dan zawng zawng chu a hrilh in an zawt pah bawk a. Lal fapa chuan a rin tawk a ni tih hriatnan a lu buk nghat pah hian Khuafaw pasalṭha an dai lawk a a hmuh dan leh a vau dan an sawi zet chuan Darphawka chuan an awmna tlang let liama  Sesih mual  chamdur lam chu kawk in saw saw nakin lawka i i pasalṭha te salu khaina tur a nih saw i nuna pawimawh ber i hria em tiin an zawt a.

Lal fapa chuan a lu an thin khum chuan Darphawka chuan i nuna pawimawh ber chu huaisenna leh tum ruhna a ni e, nakin lawk ah chuaiin kan vanglai hun hi a la herliam ang, chumi hunah chuan i pawimawh ber ang, mahni perh tarna pawh hum zo lo khawp a lal thisen kai i nih loh nan tun hun hi hmang ṭangkai ang che. Paslaṭha nun tema chengrang nena ral leh sapui hmaa i ban i phar hunah chauh tuna ka thusawi hi i hrethiam ang.

Kal la kal zel rawh, hlauna in i thinlungah hmun chang suh se, i dai loh ram dai turin i ke pen la, tawlh hun a awm tih erawh hre reng ang che. Nun hlut zia hrechiang turin sual chhuak la, lal thisen kai i nih zia hi i khawmi thawk mawh deuh chungah lantir ang che. Chapona kha rap bet la, chungnun duhna leh dawhtheihna khan i thinlungah bu khuar se suih zawm tlat rawh se. Hlauhawm na hian i thinlungah hmun chang lo se, pasalṭha nun tem tura thim zingah pawh kir an rel lo ang hian i mit khan engkim hmu fiah rawh se.

Fimkhurna hi nunpui tlat la, lehlam thusawi ah i in nghah hma in leh lam thusawi i ngaithla ve tur a ni. Mi zia hriatchianna awlsam ber chu i mit kha a ni a, aia upa te zahthiamna hian i dam khua a ti sei ang, lal thisen kai i ni a, khawi khaw lal pawh i zah tur a ni, nitin thi turin in peih la, nitin dam turin sual ang che.

Kan ṭhiante zui tawh ang le hma han hruai la an hniak hnutchhiah kha hmaih awm miah lo khan chhui rawh le, Khuafo pasalṭha khan a kuang lo a dai tih hria in ka la tawng ngei ang nga phanpui kungah a lu ka la tar ang tiin huaisenna nen thim zingah pawh kir i rel tur a ni lo. An tih meuh chuan huaisenna thar nen lal fapa ke pen chu a zang vah vah kher mai.

In duh khawp lo mai thei. Buai chung chungin ka lo ziak a ni e. In tan ni ṭha leh zan ṭha lo ni se.