THIM ZINGAH PAWH KIR AN REL LO. BUNG4-NA.

THIM ZINGAH PAWH KIR AN REL LO.

BUNG 4-NA

Siampuii chuan khawngaih takin ti lo hram rawh, an hmel sawn ka thau ah a man tlat a ni an tih chuan a hnunga ngawi renga ding, khumpui lama an thu leh hla lo ngaithla kar Pu Liansiama Siampuii pa chuan a fanu awmdan chu mawi lo a ti ve ngang a niang a fanu bana phih lawp pah chuan i vawkchaw chhuan va vil la ṭik pawh tiin i lu rawn lawr tir suh ang che. Mi pa fa chuan a hmaa tih tur awm a hlen mai ṭhin, khawnge kan pasalṭha Darphawka che tla chu mi tlangkam chil perliam hriat zawng hian ka ril a rem famkim lo ve, ka damlai ngei maia ka tual ngeia kan hmuh dawn chu le tiin an khaw pasalṭha nakin lawk a a makpa ni mai tur chu a chhuan zia an chhak chhuak zauh a.


Siampuii te in a leng ve tlangval pakhat chuan lalin thleng hlawl in lalpa, Sialkal pasalṭha te'n an cho chhuak a ni, keini lo dan beh zawh rual a ni lo ve, lalpa, K'u Darphawka leh Sialkal pasalṭha Chalruma a inti in ka hria chu nen chuan kan khaw nula Siampuii te tualah an in hmachhawn dawn tiin thaw hlawp hlawp chung chuan a khup dawm chung chuan an sai deuh hlak hlak a.



Lalpa chuan aw haw haw, a engtizia mai nge ni le aw, hawh te u, Ringliani pa, Sialkal lal thisen kai kha an khawihna palh ang nge ka tlangval ten tih leh lal kawngka pui nem tawlh rawp an rual nghal a.

Pu Liansiama tuala meichher engâ pasalṭha tih hriat ngawih ngawih pahnih chungnun tum ngeia in melh ram ram te chu Darzep lalpa leh a upa te chuan an melh tawn zak zak a, Upa Laithanga chuan lalpa i thuthluknaah an in nghat e, an ti zawi sap a. Lalpa chuan, inkuangkuah thanin ka khaw mi te hmuh loh lai khuan Sialkal lal fapa khu in veng ru dawn nia, Darphawka nau te ho kut a tuar hlauh dah ang nge an ti zawi zap a


Lalpa hian Sialkal lal fapa hi khawih a hlauh em em nachhan chu Sialkal khua hi a hlauh vang ni miah lovin lal thisenkai reng reng Pawi an ni em maw ni lo emaw zah an phu a ni tih a hriatchian em vang a ni.


Chalruma chuan Darphawka chu melh ding ngar chung hian tlangval che ta che an tih chuan Darphawka chuan keini khua hian mikhual te hi kan zah hle ṭhin a, an zai ngaih chang lah a awm. Che hmasa rawh tia a sawizawh hma hma chuan Chalruma chu rawn dawk chhuak zawk in Darphawka nghawng chu rawn sah chhawk hmawk an tum a, chu chu a ni a tihsual lian ber ta chu, Darphawka chu rang taka lo kun zauh in leia inbin nghalin Chalruma ke chheh insiamrem tum a ke dinglam khai lai tak chu a kaihza sa zak leh a kaihza tha chahsakin a awm tih chu hre nghalin a kaihza aṭang chuan thisen tharlam tak chu a lo luangchhuak ngiai ngiai a.


Chalruma chuan a kaihza chu en zauh pah hian an ke artui pawh chuan leichar chu a rap ṭha ngam ta lo, Darphawka chu ngun taka en ho pah chuan tlangval ka tisual a ni e, tiin a lamah chuan a milulak chem chu theh phei in a kut dinglam chuan a kaihza aṭanga thisen luang chu an hup nghal a. Chu tah lo hawi chhuak in, Tlangval hei hi min tiam thei angem an ti a, Darphawka chuan sawi ta che tiin hul hak si a ṭawngkauchheha nelawmna ṭawngkam chhuak miah lo chuan an melh kar a.


Chalruma chuan lei leh van kawk in ka lu hian Sialkal khua lawi lut tih hi an tih chuan Darphawka chuan a chan chhe zawk ah ṭang ta ila ka ngen ang che i ti puitling ve ang ngem an tih chuan Chalruma chuan a lu an lo bu nghat a. Khaw mipui kara lalpa lo ding ngawi reng chuan a pasalṭha Darphawka chet leh dan tur chu ngun takin a lo bik ve kiau a.


Chalruma mi lu lak chem chu chharin Chalruma tukhum samzialah chuan phih dak awrh pah chuan a nghawngah chuan a mi lu lak chem chu an chuktuah ran a, Darphawka chuan kei Darzep tlangval thil tih tur hi dem in awm em tiin mipui chu an melh kual a, chu aw Siampuiin a hriat chuan a thinlung chhunga hlauhthawnna lo riak reng, a hmangaih em em Darphawka'n hnehna a chang tih hriat tak maia tap lama vawkchaw chhum vila khur dar dar chunga lo ṭhu chung chuan a bianga mittui lo luang chhuak ngiai ngiai in a ṭah nuih deuh sak a.


Mipuiho chuan an khaw pasalṭha chetdanah chuan dem reng hmel an pu hlawm lo, a chhan chu Darphawka hian ṭul lovah mite tan harsatna a siam ngai loh mai bak ah khaw mipuite tan hian mi ṭangkai tak a nih zia hi an hrechiang em a ni.


Darphawka chuan mipuiho ngawih reng takah chuan Chalruma beng bul set ah, pasalṭha, kei mi tawng hi i vannei hle mai i nun hian kawngdik lo zawh tawh se, mahni luseipuite tan harsatna thlen ngai suh ang che, tlangkam aṭanga i chanchin a chhe zawnga a than chuan ka umzui reng tawh thung ang che. I nun i sim loh a, tiang renga i nun i hman chuan pelpawl tlang chhip ah i lu ka khai ang tiin a nam bu lawp a a kiansan ta a.


Mipuiho thum phun mur mur karah chuan ring leng lawng hian kei Darzep lalpa hian ngawi turin thu ka pe che u tih ri an hriat chuan mipuiho chu an ngawi ṭhap hlawm a, Sialkal lal fapa chuan remchangah lak tumin Khawmvela chu namper lawp pah hian tlanchhiat an tum rawk a le, Laiphawkan a tukkhum samziala lo man hmanin an phih let ṭhuai maia chu tah an nak nenah an pet leh siah mai chu a vial ta ngawlh ngawlh mai a.


Lalpa mit meng rum al chu Laiphawka chuan a hmachhawn ta ran mai le. Sialkal khual val te kha zawlbukah val upa te leh tlangval ho khan lo va chhawm ula, Siampuiipa leh ka pasalṭha Darphawka khan min rawn zui se, Laiphawka kawh va pah hian tlangval nang pawh khan an ti chang rat a. Lalpa chu a lalna in lam pan chuan a kal ta nghawng nghawng a.


Lalin chhung chu a reh ta ruih mai le, Lalpa chuan a aw te han then kharh kharh pah chuan Siampuii pa chu an boruak in lum let dan chu chip chiar takin an zawt a, a hriat duh te a hriat zawh tawh chuan Siampuii pa chu a haw tir nghal a.


Darphawk, ka pasalṭha, ka khua leh tui muantu, i dam ni kum swi se, duhsakna awm zawng zawng ka hlan che, i chet dan kha pasalṭha zia dik tak a ni, zawlbuk lamin i thu leh hla an ngaichang ang lova kal tawh rawh khai tiin zawlbuk lam a pantir ve nghal a.


Lalpa chuan mitmeng rumal chunga Laiphawka melh pah chuan muangchang chuan an dinchilh ren rawn a, Laiphawka chala kawh chilh rap pah chuan lal thisen kai kutthlak tur khan eng nge i nih? I zak em a kut dinglam chu vawn sakin a banrekah chuan nghet taka hmersak chung chuan hei hian maw lal thisen kai lut i thlak a, i ke hian maw tih leh a ke veilam ngal chu an ben sak a, Laiphawka chuan a ngaihna a hrelo kher mai le.


Lalpa chuan mi en teh tih leh ben nghal ṭhuai a rual a, khawkhat lal thisen kai meuh maw kut i thlak a? I va in hmu lian ve, kei Darzep  lal hian ka khua leh tui atan hian ka ensân thei che tih hi i beng hriat tluk zet khan lo hre rawh tiin an beng hawi leh sawk a.


Lal upa te ho lah chu hlauthawng tak chung hian an lo ip chawih chawih a, Laiphawka chuan lalpa min ngsidam rawh,an ti thamchhal a, lalpa chuan hei hi hre rawh, khawi khaw lal thisen kai reng reng hi zah an phu asin, nanga kut lo thlak ve ngawt tur em ni? Tun chinah ching tawh ngai suh ang che, i u vang chauh in ka ngaidam ang che, tiin lalin aṭang chuan a chhuah tir nghal a.


Lalin hnuai aṭanga engkim lo ngaithlatute thinlung chu a na kher mai le, Khawmvela leh Zabiaka leh Chawngzika chuan an ṭhianpa Laiphawka chu umzui nghalin Laliphawka thlaeng hnuaia a mit meng dava leh danglam ta riau leh a thinlung chhunga rilru natna in phum chu an hmuh sak ṭheuh a.


Zabiaka chuan Laiphawk tiin an au a, Laiphawka chu hawi let nghal vat in a ṭhiante an hmu zet zawng a rilru no na a naupanna lo lang chhuak in dan rual lova a mittui lo luang chhuak in chak mangkhengin kawtchhuah lamah an tlan ta teh reng a nih kha, a ṭhiante chuan a nunna atan a pawi thei dawn tih hriain an han umzui ve takna a, a mawngphe pawh an hmu hman lo chu a ni e.


Chawngzika lo let leh lam chuan Zawlbuk lam chu panin thaw hlawp hlawp hian Darphawka chu an melh kawk kawk a, Darphawka chuan lo hrethiam vatin Zawlbuk tual lamah chuan an kai hrang nghal a, Chawngzika chuan Laiphawka lalpa in kut a thlak a ni, chak takin au chungin kawtchhuah lamah a liam thla, U Darphawk, hmanhmawh rawh a chungah thil ṭha lo a thleng ang nge an tih chuan Darphawka chuan khawnge i ṭhian dangte tiin an zawt a, i hnena zualko turin min tia Khawmvela leh Zabiaka'n an la zawng mek an tih chuan Darphawka chuan zawlbuka meichhet intel zawlbuk tuala an meichhem engah chuan dep kaiin Darphawka chuan chanchin midangin an zawh che chuan hlauhthawn tur a awm lo ve, an chhungkaw thil a ni e i lo ti dawn nia tih leh tlanliam an rual nghal a.



Kurung muala Khawmvela leh Zabiaka ten Laiphawka an lo chelh a an kuah bet ran chu zu nangchin in Darphawka chuan Laiphawk pasalṭha nun rem turin thu ṭha vawi engzat nge ka hrilh dawn che, tiin a thinlunga lalpa in kutthlak duhna a neih chu a thisen zawmpui lakah chuan a nat pui hle.


Darphawka chuan tho ta che le, i puanven kha sawichhing in pasalṭha nun i tem tawh asin an tih leh chiah chuan kaqng engkima a entawn in hmangaihna ankanem a lak a a chhah chhuah leh zet chuan lungchhe chung chuan a u Darphawka chu kuah thlawp in ka u, lalpa lu saw ka khai chak ber, ka naupan tet a ta ka pa kut pawh tuar lo hian mihrang kut ka tuar hi na ka ti an tih chuan Darphawka leh Laiphawka te mittui pawh chu a hnam chhuak ve sak a.


Darphawka chuan hei hi hre rawh u, a ni kher kha midang ni zawk se lal zilh a tawk kher lovang, pawi an ni em maw, khawi khaw lal pawh ni se lal thisen kai hrim hrim chu zah tur kutthlak thiang lo ang nga ngaih an ni tih hi in thinlung khan vawng tlat rawh se, a eng zawngin thil hi thlir ula, kan khaw tana in nghahna tlak ni turin in thinlung kha lo paukhauh zawk rawh se, kan lalpa hian engmah a tisual lo, Laiphawk i hriat loh vang mai mai a nih kha, kut i thlak vang khan kan vangkhua hian leido tam tak kan neih phah thei asin, Sialkal lal fap hnenah khan ngaihdam i dil dawn nia an la ti ta deuh deuh a.


Zawimuanga lo dak chhuakin Laiphawka chuan ka u ka lo tluk lo hle mai che nia engkim ka hrethiam tawh, i sawi ang ngei chuan ngaihdam ka dil ang nge tiin khawchhung lam an pan leh ta a.